web counter
LEXO PA REKLAMA!

SHKARKO APP

App Store
Google Play

Lihet në burg ish-kreu i ARRSH-së

16 Mars 2024, 15:35, Aktualitet CNA
Lihet në burg ish-kreu i ARRSH-së
Ish-kreu i Autoritetit Rrugor Shqiptar, Evis Berberi

GJKKO ka lënë në burg ish-kreun e Autoritetit Rrugor Shqiptar, Evis Berberi dhe dy biznesmenët Valter Begaj dhe Ervis Lami.

Avokati i Berberit, Gentian Romano, mohoi që ish-zyrtari i lartë të këtë dhënë tendera në mënyrë të padrejtë.

“Një çështje civile tregtare e kthyen në çështje penale. Gjatë kësaj kohe keni përcjellë marrëdhënien juridiko civile tregtare mes palëve në këtë proces, e cila më pas është përcaktuar nga SPAK si çështje penale. Qëndrimin tonë e kishim kundër akuzave që janë vënë nga Prokuroria, janë akuza që kërkojnë të shtrëngojnë gjykatën në masën e sigurimit arrest me burg.

Nuk ka përfituar në mënyrë të padrejtë asnjë tender persona të tjerë. Zotërues të kompanisë janë të tjerë, Berberi e ka shitur kompaninë në persona të tjerë. Nuk është më pronari i kompanisë që pretendohet.

Abuzohet në mënyrë të papërshtatshme me vlerat ekonomike. Këto gjëra do sqarohen, do paraqiten nga ana jonë analiza të mirëfillta ekonomike. S’ka vlera të fituara. Një proces juridik civil tregtar e kthyen në çështje penale”, theksoi avokati.

Berberi u arrestua të mërkurën me urdhër të Prokurorisë së Posaçme, pasi akuzohet për korrupsion dhe pastrim parash.

Hetimet për Berberin po ndiqen nga prokurori Dritan Prençi.

Sa i përket biznesmenëve, ata u vunë në pranga pas ish-drejtorit të ARRSH-së, me të cilin kanë miqësi./ CNA





Lajmet e fundit nga