web counter
LEXO PA REKLAMA!

SHKARKO APP

App Store
Google Play

Videot me plazhet bosh/ Dredha: Antireklamë e qëllimshme

20 Korrik 2024, 11:11, Aktualitet CNA
Videot me plazhet bosh/ Dredha: Antireklamë e qëllimshme
Kryetari i Bashkisë së Vlorës, Ermal Dredha

Kryetari i Bashkisë së Vlorës, Ermal Dredha, ka reaguar në lidhje me videot e shpërndara në rrjet për plazhet bosh.

Dredha tha se këto video janë tendencioze dhe të rrezikshme, ndërsa pretendoi se është e gabuar të bëhet kundërreklamë për turizmin.

“Në fakt është një konstatim që më pas përkthehet në shqetësim, kemi parë që ka një vëmendje të shtuar, më shumë është një mesazh i gabuar që përcillet jo vetëm prej rrjeteve sociale. Nuk e di se ku e kanë burimin, por patjetër që nuk është gjë e mirë.

Nuk mund të bëhet asnjëherë dhe kurrsesi reklamë kundër asaj që ne në fakt e kemi krenari, që është turizmi, jo vetëm në Vlorë, por në të gjithë hartën e Shqipërisë. Pra, duhet të jemi shumë të kujdesshëm. Shqipëria është në zhvillim, po kthehet në një simbol shumë të rëndësishëm të turizmit në raport me atë çfarë na rrethon, me rajonin tonë dhe më gjerë.

Ne po bëjmë një punë shumë të mirë sa i përket kësaj gjëje, promovimi po bën punën e vet dhe nuk diskutohet që vëmendja do të jetë më e shtuar. Por që të ketë zëra kundër apo të jenë tendencioze për të shkatërruar gjithë procesin në fakt, sepse në ndihemi krenarë që po krijohet. Duket tendencioze, duket e rrezikshme dhe nuk ka asnjë benefit, aq më tepër kur bashkohen site apo faqe të ndryshme në rrjete sociale që janë brenda vendit, më duket paksa absurde”, u shpreh ai.

Kryebashkiaku i Vlorës deklaroi se kjo antireklamë është me një qëllim shumë të qartë, është “luftë” ekonomike.

“Konkurrenca e ndershme është gjithmonë më se e mirëpritur, brenda apo jashtë vendit tonë, por kur gjërat bëhen tendencioze atëherë na bëjnë të kuptojmë që kjo ‘luftë’ është me një qëllim shumë të qartë. Është ‘luftë’ ekonomike me pak fjalë. Të gjithë duan të potencojnë të ardhurat apo edhe turizmin aty ku ofrohet, pse dhe jashtë kufijve tanë, dhe normale që tendenca mund të jetë diku gjetkë.

Këtë nuk mund ta them sepse është diçka që duhet parë me shumë kujdes nga gjithë ato institucione dhe instancat që merren në fakt edhe me luftën kibernetike që është diçka që duhet marrë me shumë seriozitet. Kam përshtypjen që nëse do të vërtetohet do të dalë në sipërfaqe gjithë kjo gjë. Por ne duhet të jemi të kujdesshëm, ne jemi këtu për të promovuar Shqipërinë, për të mbështetur Shqipërinë në çfarëdo lloj gjëje që bëhet dhe në çfarëdo lloj investimi që bëhet”, theksoi Dredha./ CNA





Lajmet e fundit nga