E fundit!

21:44 Kronika

Të shtënat në Elbasan/ Policia jep detaje për ngjarjen

Mësohen detaje të reja lidhur me ngjarjen e ndodhur mbrëmj...

E paditura Evi Angelakis-Kokalari

3 Gusht 2022, 12:11, Aktualitet CNA

Evi Angelakis-Kokalari

Konservatorja shqiptaro-amerikane dhe bashkëpunëtorja e Erion Veliajt, e lindur me emrin Evis Kokalari, e cila jeton me emrin Evi Agelakis, pas sherreve me të rinjtë e FRPD-së, pas konflikteve dhe sulmeve dhe duke u keqpërdorur dhe lobuar në PD, tani ka filluar të flasë edhe kundër Qeverisë.

Herë pas here duke u sjellë sikur është pronarja e Shqipërisë, duke u sjellë me një egoizëm të pafund dhe inat të paepur, Kokalari na tregon se sa e paditur është jo vetëm në shifra, jo vetëm në çështje politike, por edhe në faktin se edhe pse nuk di, do të duket e diçka do të thotë, por se cili është përfundimi, ai kuptohet.

Angelakis ka shkruar se Qeveria shqiptare ka dhënë 340 milionë euro në 10 vite pushtet për inceneratorët dhe do të mjaftonin 5 milionë euro për sigurinë në bregdetin shqiptar.

E paditura Evi Angelakis-Kokalari

Këto shifra nuk do t’i thoshte asnjë infatil politik, por thjesht dhe vetëm tregon sa e palexuar është kyrje Agelakis, sepse do të ishte mirë të kishte kërkuar lehtësisht në internet dhe shifrat i ka të bëra publike nga shumë media.

Së pari nuk ka shifër 340 milionë euro.

Shifrat, që t’i mësojë zonja Angelakis falas, janë këto:

Inceneratori i Elbasanit 22 milionë euro pa TVSH.

Inceneratori i Elbasanit

Inceneratori i Fierit 28 milionë euro pa TVSH.

Inceneratori i Fierit

Kontrata koncesionare për inceneratorin dhe landfillin e Tiranës 430 milionë euro, ku ka dhe kosto të tjera të fshehura, ku kompania merr të ardhura disa qindra milionë euro, siç janë tarifat e mbledhjes së dherave, shitja e kauçukut, plastikës, hekurit apo edhe plehrave kimike e të tjera si këto.

Inceneratori i Tiranës

Të dyja bashkë këto bëjnë 430 milionë euro.

Ku e gjeti zonja Kokalari 340 milionë euro, pra shifër 340 milionë euro nuk ka.

Së dyti zonja Kokalari thotë se me 5 milionë euro do të mjaftonte siguria në bregdet.

Në fakt nga Velipoja në Ksamil nuk do të mjaftonin për pagat e rojeve bregdetare. Nuk do të mjaftonin kurrsesi për vendosjen e litarëve, sepse që të bësh një vijë të sigurtë bregdetare dhe me mbrojtje civile dhe me mjete do të duhen shumë herë më tepër.

Po, paratë e inceneratorëve mund të mjaftonin, ndoshta shumë herë më pak nga ato, por 5 milionë eruro nuk dalin.

Së treti e paditura Angelakis, Kokalari duhet të thotë, ku e gjeti këtë shifër, sepse Qeveria sipas të dhënave zyrtare, që gjenden lehtësisht, por duhet të lexosh jo të flasësh kot, ka paguar kompaninë e inceneratorëve 28 milionë euro për Fierin, 22 milionë euro për Elbasanin.

E paditura Evi Angelakis-Kokalari

Si dhe janë bërë katër transferta, e pesta është e këtij viti, të cilat janë nga 10 milionë euro transfertë e pakushtëzuar e Qeverisë shqiptare dhe e Bashkisë së Tiranës për kompaninë e inceneratorëve, me 29 euro toni, për përpunim të mbetjeve.

Pra, këto janë shifrat që t’i mësojë e paditura Kokalari dhe t’i korrigjojë postimet e t’i bëjë të sakta, se duke qenë se kishte kohë që po merrej vetëm me rininë e duke treguar sa e kompleksuar ishte ndaj tyre, tani bën mirë të mësojë shifrat, të cilat ne po ia japim falas dhe këto t’i përdorë politikisht për të sulmuar Qeverinë, por edhe kryetarin e Bashkisë së Tiranës, zotin Veliaj, për të cilin ajo pritet të bëjë statusin e radhës, sepse kompleksohet nga fakti që ne i themi bashkëpunëtore e lali Erit.

Gjithsesi, ajo për këto shifra mund t’i drejtohej edhe lalit si mik të vjetër që e ka.

Nga ana tjetër, gjithë ato para që permend zonja Kokalari kemi frikë se nuk do të mjaftonin për ta shkolluar dhe për ta formuar zonjën Angelakis me një qasje tjetër politike, mediatike, por edhe njohuri që kanë të bëjnë me shifrat, investimet dhe korrupsionin e Qeverisë shqiptare./CNA.al