LEXO PA REKLAMA!

SHKARKO APP

Homazh për 7-vjeçaren në Lezhë/ Ipeshkvi, thirrje qytetarëve

3 Gusht 2022, 11:09, Aktualitet CNA
Homazh për 7-vjeçaren në Lezhë/ Ipeshkvi, thirrje
Foto ilustruese

Ipeshvi, Dom Gjergj Meta, përmes një postimi në rrjetet sociale, u ka bërë thirrje qytetarëve të Lezhës që t’i bashkohen marshimit në orën 19:00, si homazh për vogëlushen 7-vjeçare, që humbi jetën pasi oficeri i policisë, Arjan Tase e përplasi me skaf.

“QË TË MOS NDODHË MË!

Të dashur miq,

Sonte në orën 19:00 Dioqeza e Lezhës dhe ajo e Rrëshenit, bashkë me shoqërinë civile Lezhë-Kurbin-Rrëshen, organizojnë një marshim homazh për vajzën e vogël Joanda Avdia që dje gjeti vdekjen në bregdet për shkak të papërgjegjshmërisë.

Ju ftojmë të gjithëve, sidomos pushuesit që ndodhen në Shëngjin  që në orën e caktuar të gjendemi te oborri i Kishës së Shëngjinit e prej aty të nisemi në heshtje drejt bregdetit me lule e qirinj në duar.

Kjo është një lutje, një dëshirë dhe një protestë që gjëra të tilla, frut i papërgjegjshmërisë, të mos ndodhin më kurrë e që të gjithëve t'u ofrohet siguri.

JU PRESIM!

Merrni një lule të freskët ose një qiri me vete!”, shkruan Dom Gjergj Meta./CNA.al

Homazh për 7-vjeçaren në Lezhë/ Ipeshkvi, thirrje

Lajmet e fundit nga