web counter
LEXO PA REKLAMA!

SHKARKO APP

App Store
Google Play

E fundit!

x

Familjet, në prova të mëdha gjatë pandemisë/ Ekspertja: Basha nuk e vuri ujin në zjarr për propozimet tona

3 Gusht 2022, 08:54, Aktualitet CNA

Familjet, në prova të mëdha gjatë pandemisë/ Ekspertja:

Ekspertja e shëndetësisë, Elisabeta Musta, gjatë takimit me kreun e PD-së, Sali Berisha dhe intelektualë të tjerë ka treguar problematikat me të cilat janë përballur familjet shqiptare gjatë pandemisë. Sipas ekspertes, shumica e familjeve nuk kanë pasur mundësi të përballojnë shpenzimet, qoftë për të blerë edhe medikamentet e nevojshme për të trajtuar sëmundjen pasi kostoja e tyre ka qenë shumë e lartë, duke e krahasuar me rrogën mujore të një punonjësi në fasoneri.

"Familje të palumtura shoh çdo ditë. Shoh të lagjia ku banoj, ku prindërit nuk mund të çojnë fëmijët në një shkollë pak më të mirë se ai gjimnazi publik, ku mund të jenë 40 vetë në një klasë. Shoh kolegët e mi që janë detyruar, nga kushtet e vështira, të nxjerrin nga shtëpia fëmijët adoleshent. Unë jam nëna e një fëmije adoleshent 17 vjeç dhe nuk më zë gjumi duke ditur se fëmija im është diku në një familje angleze ose është diku në një kamp refugjatësh në Europë ashtu sikurse ka shumë fëmijë shqiptarë sot.

Por familje të palumtura me shumicë kam parë në dy vitet e fundit të pandemisë. Sepse familja është guri i themelit ku përplasen të gjitha krizat dhe përballja me COVID-in e vuri familjen shqiptare përpara krizave të shumëllojshme.

Përpara krizës ekonomike sepse me mbylljen që u bë kishte njerëz, të cilët nuk arritën të marrin as pagën e luftës dhe shumë shpejt erdhi dhe sëmundshmëria e pjesëtarëve të familjes njëri pas tjetrit. Kemi pasur raste, familje të tëra të sëmurë, me të katërt të sëmurë. Kostot e mjekimit për një javë të thjeshta nuk po themi me medikamente antivirale që janë përdorur shkonin sa rroga e një punonjësi të fasonerisë, rroga mujore e një punonjësi të fasonerisë.

Imagjino çfarë presioni, çfarë krize ka kaluar ajo familje që mund të kishte tre të sëmurë të tillë, ku ndikimi i shtetit, ndihma që dha shteti, ishte vetëm një rimbursim i thjeshtë i antibiotikëve, dhe një antikoagiulanti që tani për më tepër e paskan hequr fare.

E kemi përdorur dy tre herë por tani është hequr nuk është më, ndërsa aktualisht kemi një në dy persona pozitiv në ditë. Kemi parë prindër të cilët nga shkaku i emigracionit të tyre kanë mbetur pa parë për herë të fundit fëmijën. Kemi parë familje që kanë marrë kredi dhe borxhe për të kaluar krizën”, ka thënë Musta.

Ndër të tjera, ekspertja zbuloi se në kohën e pandemisë i propozuan Bashës t'i propozonte qeverisë që familjet në nevojë dhe të moshuarit të bënin analizat apo 'check up'-in në kohën që u bllokua për shkak të pandemisë, dhe sipas ekspertes, Basha nuk e ka vënë ujin në zjarr për ti bërë një propozim të tillë qeverisë.

“Bashkë me zonjën Vokshi në periudhën që u bllokua check up për shkak të pandemisë, i propozuam zotit Basha atëherë, ato kostot e check up, ti bëhej një propozim qeverisë që ato kosto të bëheshin për analizat e nevojshme për COVID për njerëzit në nevojë apo të moshuarit. Zotëria nuk e vuri në zjarr, ta propozonte këtë. Dhe kemi parë skena që e vunë familjen shqiptare në prova shumë të mëdha”, tha ekspertja./ CNA.al





Lajmet e fundit nga