web counter
LEXO PA REKLAMA!

SHKARKO APP

App Store
Google Play

Komisioni anti-SPAK/ Rama kokë më kokë me Xhafajn

12 Shkurt 2024, 10:41, Politikë CNA
Komisioni anti-SPAK/ Rama kokë më kokë me Xhafajn
Fatmir Xhafaj dhe Edi Rama

Kreu i qeverisë, Edi Rama, ka zhvilluar dje pasdite vonë në vilën 30, një takim kokë më kokë, me ish-ministrin e Brendshëm, deputetin socialist, Fatmir Xhafaj. Takimi është zhvilluar menjëherë pas asamblesë 6 orëshe të socialistëve.

Takimi i zhvilluar në ambientet e "Vilës 30", aty dhe ku kryeministri ka zhvilluar disa diskutime të tjera në ditët e shkuara me deputetët socialistë në kuadër të një komisioni të ashtuquajtur “Ad-Hoc”, i cili në fakt për qëllim ka kontrollin e SPAK-ut.

Takimi i kryeministrit Edi Rama me ish-ministrin e Brendshëm, Fatmir Xhafaj, tashmë deputet socialist, është zhvilluar menjëherë pas përfundimit të asamblesë dhe sipas burimeve të CNA ka zgjatur më shumë e një orë.

Ende nuk dihet thelbi i bisedës së kryeministrit Rama me Fatmir Xhafajn, por ajo që bie në sy është fakti se vjen menjëherë pas takimit që ai zhvilloi me grupin e juristëve të Partisë Socialiste pikërisht në Vilën 30 një javë më parë, ku dhe shtroi për diskutim çështjen e një komisioni “Ad Hoc”, i cili në fakt për qëllim kishte kontrollin e SPAK-ut. Në atë mbledhje, Fatmir Xhafaj ka munguar.

Burime zyrtare i thanë CNA-së se në mbledhjen e mëparshme, kryeministri thuajse ishte tërhequr nga ideja e një komisioni për të kontrolluar SPAK-un dhe kreun e këtij institucioni, duke hedhur hapin e një komisioni më të gjerë për kontrollin e institucioneve të pavarura.

Por në atë mbledhje Fatmir Xhafaj, njeriu që kishte marrë përsipër të drejtonte komisionin “Ad Hoc”, nuk mori pjesë.

Gjithashtu burime ndërkombëtare i thanë CNA-së se kryeministri ishte tërhequr zyrtarisht nga ideja e një komisioni “Ad Hoc”.

Komisioni anti-SPAK/ Rama kokë më kokë me Xhafajn
Fatmir Xhafaj dhe Edi Rama

Të njëjtat qëndrime kishte mbajtur edhe Fatmir Xhafaj, i cili te diplomatët ishte shprehur se nuk do të drejtonte kurrë një komision pa bekimin e tyre.

Komisioni anti-SPAK/ Rama kokë më kokë me Xhafajn
Fatmir Xhafaj dhe Edi Rama

Por takimi vjen menjëherë pas disa informacioneve që rrodhën në media, ku mazhoranca socialiste duke përdorur një grup 99-çash dhe vullnetarë të Enverit, ishin përgatitur zyrtarisht për të krijuar një komision anti-SPAK për të cilin kishin ngritur edhe një grup pune. (lexo këtu)

Tashmë me daljen e informacioneve, duket se gjërat nuk kanë qenë më aq të thjeshta dhe enveristi i parafundit, Fatmir Xhafaj, është takuar kokë më kokë me kryeministrin, ndoshta për të sqaruar situatën dhe hapat që do hidhen në lidhje me këtë komision, i cili tashmë sipas kryeministrit dhe bashkëpunëtorëve të tij ka marrë formën e një komisioni të gjerë për të kontrolluar shumë institucione në kuadër të integrimit.(lexo këtu)

Në fakt Shqipëria e ka një komision të tillë siç është Komiteti i Integrimit, i cili ka bashkëkryetarin nga opozita dhe do të ishte një strukturë tashmë e gatshme për të thirrur në "apel" institucionet e pavarura në kuadër të integrimit.

Por mesa duket kjo strukturë e ngritur në parlament nuk i pëlqen kryeministrit, nuk u pëlqen 99-çave të Partisë Socialiste, të cilët kanë zgjedhur një ish-enverist me shpatë në dorë për t’u vërsulur ndaj SPAK dhe institucioneve të Reformës në Drejtësi./CNA 

Komisioni anti-SPAK/ Rama kokë më kokë me Xhafajn
Enver Hoxha dhe Fatmir Xhafaj




Lajmet e fundit nga