Përplasja Kurti-Vuçiç në OKB, Rama: Seancë e pakuptimtë, thirrja për palët

9 Shkurt 2024, 09:54, Politikë CNA

Përplasja Kurti-Vuçiç në OKB, Rama: Seancë e

Edi Rama

Kryeministri Edi Rama ka reaguar që përplasjet që ndodhën në Këshillin e Sigurimit mes Albin Kurtit dhe Alekandër Vuçiç-it.

Sipas kreut të qeverisë shqiptare, kjo ishte një seancë pa kuptim. Rama thekson se Këshilli i Sigurimit i OKB-së, është e qartë se nuk është vendi për asgjë që lidhet me Kosovën.

Ai i bën thirrje Kosovës dhe Serbisë që të përqendrohen plotësisht në dialogun e lehtësuar nga BE-ja dhe të fokusohen në arritjen e marrëveshjeve për qarkullimin financiar, shërbimin postar, taksimin e dyfishtë dhe të gjitha çështjet e tjera që përfitojnë jetën e përditshme të njerëzve të zakonshëm.

"Ishte një seancë pa kuptim. Këshilli i Sigurimit i OKB-së është e qartë se nuk është vendi për asgjë që lidhet me Kosovën. Si dy vende sovrane që aspirojnë anëtarësimin në BE, Kosova dhe Serbia duhet të përqendrohen plotësisht në dialogun e lehtësuar nga BE-ja dhe të fokusohen në arritjen e marrëveshjeve për qarkullimin financiar, shërbimin postar, taksimin e dyfishtë dhe të gjitha çështjet e tjera që përfitojnë jetën e përditshme të njerëzve të zakonshëm. Njerëzve, duke siguruar edhe një të ardhme paqësore për brezat e ardhshëm. Ndërsa qëndrojmë pranë Kosovës në parandalimin e çdo kërcënimi të jashtëm, Shqipëria do të vazhdojë t'i theksojë lidershipit kosovar rëndësinë e koordinimit të ngushtë me aleatët e saj kryesorë. Qëndrimi i palëkundur dhe i vazhdueshëm së bashku me ta tregon ndjenjën e vizionit dhe përgjegjësisë shtetërore, ndërkohë që çdo rast i qëndrimit të vetëm në rrugën e njohjes së plotë e zbeh pozitën e vendit në sferën publike të marrëdhënieve ndërkombëtare", u shpreh Rama.

Presidenti i Serbisë, Aleksandar Vuçiç, në fjalën e tij në Këshillin e Sigurimit, vendimin e Kosovës për ndalimin e dinarit serb e cilësoi: "Vazhdimësi të sulmeve sistematike ndaj serbëve”, dhe akuzoi institucionet e Kosovës, të cilat, sipas tij, "kanë krijuar kushte të padurueshme për serbët”.

I menjëhershëm ishte reagimi i kryeministrit të Kosovës, Albin Kurti, i cili mori pjesë për herë të parë në seancën e Këshillit të Sigurimit të OKB-së. Kurti i quajti gënjeshtra të gjitha pretendimet e presidentit të Serbisë, sipas të cilit Kosova po kryen spastrim ndaj serbëve të Kosovës./CNA