LEXO PA REKLAMA!

SHKARKO APP

Grevë urie dhe ngujim/ Bardhi tregon skenarin e opozitës

8 Shkurt 2024, 10:42, Politikë CNA
Grevë urie dhe ngujim/ Bardhi tregon skenarin e opozitës
Gazment Bardhi

Kreu i Grupit Parlamentar të Partisë Demokratike, Gazment Bardhi, u shpreh pas mbylljes së seancës plenare se aksioni opozitar do të vijojë derisa të respektohet Kushtetuta në Kuvend. 

Bardhi u shpreh i vendosur se opozita do të përshkallëzojë aksionin dhe nuk përjashtoi mundësinë për ngujim apo grevë urie. 

Ai tha se ndien keqardhje për ushtarët e Bashës që veprojnë në të njëjtën linjë me Ramën. 

"Nuk kemi shkelur rregulloren. Opozitës po i mohohen të drejtat Kushtetuese dhe nuk mund të ketë falsitete në Kuvend. Dua t'i apeloj edhe njëherë mazhorancës që të rishohë pozicionin e saj për kërkesat e opozitës dhe të heqë dorë nga masat ndaj deputetëve. Unë jam përjashtuar nga Kuvendi, për shkak të këtij akti i kërkova llogari Kuvendit. Kjo tregon se për këtë palament nuk ka rregulla të shkruara, por vetëm urdhrat e Ramës. Ndiej keqardhje me personat opozitarë që i janë përgjigjur këtij urdhri. Dua që parlamenti të veprojë sipas Kushtetutës dhe rregullores. Ne do të vazhdojmë të rezistojmë deri në zbatimin e Kushtetutës. Me grupin parlamentar kemi diskutuar dhe të gjithë kemi shprehur gatishmërinë për të përshkallëzuar aksionin", u shpreh Bardhi./CNA 

Lajmet e fundit nga