LEXO PA REKLAMA!

SHKARKO APP

Rama thotë arsyen/ Pse nuk realizohet vota e emigrantëve

8 Shkurt 2024, 14:39, Politikë CNA
Rama thotë arsyen/ Pse nuk realizohet vota e emigrantëve
Kryeministri Edi Rama

Kryeministri Edi Rama ka folur për votën e emigrantëve në një takim me anëtarë të komunitetit shqiptar në Luksemburg.

Pyetur nga një shqiptare, Rama tha se vota e emigrantëve nuk bëhet e mundur për shkak të bazës së të dhënave.

Ai deklaroi se pavarësisht thirrjeve që emigrantët të deklarojnë të dhënat, mbledhja e tyre nuk është bërë e mundur.

“Vota e emigrantëve nuk është çështje dëshire apo vullneti nga ana jonë, se ne duam, por është çështje e bazës së të dhënave. Ne nuk kemi akoma sot një regjistër të popullsisë në emigracion. Edhe pse kemi bërë disa tentativa, nuk kemi arritur sepse siç jemi ne shqiptarët që edhe për të bërë pasaportën apo kartën ne identitetin shkojmë atë ditë, momentin kur na duhet se duhet të bëjmë diçka. Kjo çështja e databazës na pengon shumë për të bërë votimin e emigrantëve”, theksoi kreu i qeverisë./ CNA

Lajmet e fundit nga