LEXO PA REKLAMA!

SHKARKO APP

E fundit!

x

Komisioni Anti-SPAK/ Blinken “zbarkon” në Tiranë

9 Shkurt 2024, 20:30, Aktualitet CNA

Komisioni Anti-SPAK/ Blinken “zbarkon” në Tiranë

Vizita e Sekretarit Amerikan, Blinken në Shqipëri është historike, jo vetëm për faktin që është njeriu që ka firmosur Sali Berishën “non grata” , por një Sekretar Shteti i SHBA-ve gjithmonë është një lajm i rëndësishëm botëror, kudo në çdo vend që ai zhvillon agjendën e tij.

Pak ditë më parë lajmi u dha, më pas u përgënjeshtrua nga Ambasada, tashmë u konfirmua nga Departamenti i  Shtetit, veprime që bëhen dhe për efekt të sigurisë së Sekretarit të Shtetit.

Ardhja e Blinken është menjëherë pas tentativës për ngritjen e komisionit anti-SPAK nga mazhoranca, përtej shitjes si mbështetje për qeverinë.

Vizita e tij në Tiranë vjen menjëherë pasi CNA raportoi se mazhoranca me një grup 99-çash dhe ish-“vullnetarë” të Enverit po përgatisnin një komision për të luftuar SPAK-un, Strukturën e luftës kundër Krimit dhe Korrupsionit, ndërtuar me financimet e qytetarëve të SHBA dhe BE-së.

CNA e raportoi. Disa herë lajmi u mohua, disa herë pranohej nën zë . Më pas ishin zyrtarët e ambasadës së SHBA në Tiranë që lëshuan apelin e parë në “Mëngjesin e Lutjeve”.

Vetë zëvendësndihmësi sekretari Amerikan i Shtetit, zoti Escobar lëshoi mesazhin e tij të qartë dhe tashmë vjen në Tiranë Sekretari Amerikan i Shtetit, Antony Blinken, i cili do të ketë një takim kokë më kokë dhe me kreun e SPAK,  Altin Dumanin.

Një rast i tillë nuk ndodh kurrë dhe nuk ka ndodhur kurrë më parë në Shqipëri.

Ashtu siç ishte takimi i zotit Dumani me ambasadorët e BE në momentin ku CNA raportoi se po bëhej një grup anti-SPAK, brenda mazhorancës për të goditur këtë strukturë për shkak të hetimeve të forta që po bënte për inceneratorin e Tiranës, ministra , ish zyrtarë dhe zyrtarë të lartë të qeverisë .

Tashmë vjen takimi “kokë më kokë” i Dumanit me Blinken.

Ky është një lajm i mirë që inkurajon edhe më tej SPAK-un dhe prokurorët e pakapur që nuk flirtojnë me qeverinë për të ecur para me hetimet e tyre, për t’i çuar deri në fund ato dhe ajo që pritet nga Sekretari Amerikan i Shtetit është kurajoja dhe mbështetja e plotë ndaj SPAK për të gjitha hetimet që po kryhen atje , kryesisht për aferën më të madhe të shekullit atë të inceneratorëve ku mesa duket beteja e 99-çave kundër SPAK-ut ka shkuar duke shqetësuar shumë lart deri tek Sekretari Amerikan i Shtetit./ CNA

 

Lajmet e fundit nga