web counter
LEXO PA REKLAMA!

SHKARKO APP

App Store
Google Play

E fundit!

x

BE: Mbështesim Dumanin dhe SPAK-un

17 Janar 2024, 17:13, Aktualitet CNA

BE: Mbështesim Dumanin dhe SPAK-un

Këtë të mërkurë, kreu i SPAK, Altin Dumani ka zhvilluar një takim me ambasadorët e vendeve anëtare të BE-së në Europe House, të cilëve u ka prezantuar punën e institucionit që drejton.

BE ka qenë e qartë dhe e vendosur në mbështetjen që i ofron SPAK-ut dhe Altin Dumanit.

Këtë e ka konfirmuar me anë të një mesazhi ambasada gjermane në Shqipëri, e cila deklaron se SPAK është pjesë e pazëvendësueshme e reformave në drejtësi.

"Ditën e sotme, Altin Dumani, kreu i Prokurorisë së Posaçme SPAK, prezantoi punën e tij para ambasadorëve të vendeve anëtare të BE-së në Europe House. SPAK është pjesë e pazëvendësueshme e reformave në drejtësi dhe tashmë ka treguar sukses të madh në luftën kundër korrupsionit dhe krimit të organizuar. Ne e përgëzojmë Altin Dumanin dhe ekipin e tij për këto arritje dhe do të vazhdojmë ta mbështesim mëtej punën e tij", thuhet në deklaratatën e ambasadës gjermane.

Kjo nuk është hera e parë që BE shpreh mbështetje për institucionin e drejtësisë dhe kreun e saj. SPAK ka dhënë rezultate të mëdha me punën e saj përgjatë 2023-shit dhe në javët e para të 2024-ës.

SPAK ka marrë nën hetim apo ka rrestuar zyrtarë, ish-zyrtarë, ministra, ish-ministra, ish-kryebashkiakë, ka lënë në arrest ish-kryeministrin Sali Berisha dhe ish-zv.kryeministri Arben Ahmetaj është në kërkim.

CNA ka raportuar se SPAK po vijon hetimet dhe pritet të vërë në pranga të tjerë zyrtarë për aferën e inceneratorëve apo për korrupsione të tjera me tendera e koncesione.

Këto veprime të SPAK, siç raportoi sot CNA, kanë vënë në alarm kryeministrin Edi Rama, i cili i ka dhënë porosi të vetëve të kenë kujdes./ CNA





Lajmet e fundit nga