web counter
LEXO PA REKLAMA!

SHKARKO APP

App Store
Google Play

Humbja e jetës së 3-vjeçarit/ Familjarët, akuza ndaj kunatës së Ermonela Felajt

16 Janar 2024, 13:34, Aktualitet CNA
Humbja e jetës së 3-vjeçarit/ Familjarët, akuza ndaj
Alma Felaj

Pas publikimit të lajmit se klinika e Roland Xhaxhos nuk ishte e pajisur me licencë për shërbime stomatologjike në momentin që ka kryer ndërhyrjen e 3-vjeçarit Brian Spahia, familjarët kërkojë që prokurorja Alma Felaj (kunata e Ermonela Felajt) të mos e hetojë këtë çështje. 

Në një intervistë televizive, babai i 3-vjeçarit të ndjerë, Bledar Spahia, thotë se Alma Felaj kërkon të deformojë çështjen dhe për këtë ka pasur edhe një takim me drejtuesin e Prokurorisë së Tiranës, ku i ka kërkuar largimin e saj nga çështja e djalit.

“Me drejtuesin e Prokurorisë së Tiranës kemi folur në lidhje me prokuroren e çështjes, Alma Felaj, ajo duhej të tërhiqej nga kjo çështje se nuk është e aftë t'i japë zgjidhje çështjes. Me këto fakte ajo nuk ka vepruar ndërkohë që më datë 6 tetor ka bërë kontrollin te klinika e Xhaxhos dhe në dijeninë time kjo klinikë ka qenë pa licencë. Sot e kësaj dite ajo klinikë vepron, mbush dhëmbët e njerëzve që nuk e kanë marrë vesh se çfarë ka ndodhur në atë klinikë”, tha Bledar Spahiu. 

Ky i fundit pretendon se prokurorja i ka fshehur 11 ditë rezultatet e aktit të ekspertimit të parë që u publikuan në muajin nëntor.

“Unë i kam marrë informacionet vetë. Nga prokurorja s'kam marrë asnjë informacion, as aktin e ekspertimin, ajo donte ta fshihte. Unë e kam marr vesh nga mediat, 11 ditë më ka mbajtur pezull, nuk më ka treguar”, është shprehur ai. 

Kujtojmë që fëmija gjeti vdekjen në reanimacionin e pediatrisë në QSUT më 1 tetor, 3 ditë pas ndërhyrjes në dhëmbë në klinikën private "Splendent"./CNA 

 





Lajmet e fundit nga