web counter
LEXO PA REKLAMA!

SHKARKO APP

App Store
Google Play

E fundit!

x

“Shqipëria, pothuajse si Suedia”/ Europe Today: 44% e energjisë vjen nga burimet e rinovueshme

17 Janar 2024, 15:45, Aktualitet CNA

“Shqipëria, pothuajse si Suedia”/ Europe Today: 44% e

“Europe Today”, media informative e specializuar në çështjet aktuale evropiane me qendër në Bruksel, në një artikull të fundit ka dhënë detaje mbi energjinë që vjen nga burimet e rinovueshme.

Pjesë e këtij artikulli është edhe Shqipëria, ku theksohet se edhe pse vendi ynë ende nuk është pjesë e BE-së, ka arritur objektivat e energjisë së rinovueshme që Brukseli ka vendosur për vitin 2030, duke iu afruar me shifra edhe Suedisë.

“Shqipëria (pothuajse) si Suedia: 44% e energjisë vjen nga burimet e rinovueshme. Italia ndalon në 19% (dhe në rënie)”, thuhet në titullin e artikullit në gjuhën italiane, ndërsa më tej shtohet se:

“Shqipëria nuk është ende një vend i Bashkimit Evropian, por mund të mburret se është tashmë në përputhje me objektivin e energjisë së rinovueshme që Brukseli ka vendosur për vitin 2030. Dhe për të cilin shumica e shteteve anëtare aktuale janë duke luftuar, përfshirë Italinë. Po, sepse nëse BE parashikon një pjesë të energjisë së konsumuar nga burimet e rinovueshme prej 42.5% deri në fund të dekadës, Tirana sot është 44%. Një përqindje që e afron me kampionët skandinavë, shumë më e lartë se mesatarja e Bashkimit dhe më shumë se dyfishi i Italisë.”

“Europe Today” duke ju referuar të dhënave të Eurostat për vitin 2022, thotë se Shqipëria në renditje qëndron menjëherë pas treshes skandinave, Suedisë, Norvegjisë dhe Finlandës, ndërsa Italia ka ngecur në kUotën e 19%.

“Kjo është ajo që del nga të dhënat më të fundit të Eurostat, në lidhje me vitin 2022. Në këtë vit, pjesa e burimeve të rinovueshme në konsumin bruto të energjisë finale midis të 27 vendeve të BE-së arriti në 23%, një rritje (edhe pse e lehtë) krahasuar me vitin 2021. Mbetet brenda Bashkimit, Suedia që ka peshën më të lartë, me 66%, e ndjekur nga Finlanda (47.9%). Të dhënat e Eurostat raportojnë edhe përqindjet e energjisë së rinovueshme në vendet evropiane jashtë BE-së, nga të cilat Norvegjia del me 75.8%. Shqipëria qëndron menjëherë pas treshes skandinave. Italia, nga ana tjetër, ka ngecur në 19%, ndër të tjera një rënie të lehtë në krahasim me vitin 2021. Në total, 17 nga 27 anëtarët e BE-së raportuan përqindje më të ulëta se mesatarja e BE-së prej 23.0% në 2022”, theksohet në artikull.

Më tej, shtohet se direktiva e re për energjinë e rinovueshme ka rishikuar objektivin e BE-së për energjinë e rinovueshme për vitin 2030 nga 32% në 42.5% (me synimin për ta rritur atë në 45%), kujton Instituti Europian i Statistikave. Prandaj, vendet e BE-së duhet të shtojnë përpjekjet e tyre për të përmbushur kolektivisht objektivin e ri të BE-së për vitin 2030./ CNA





Lajmet e fundit nga