web counter
LEXO PA REKLAMA!

SHKARKO APP

App Store
Google Play

E fundit!

x

Reshje dëbore në Kukës, akset problematike

16 Janar 2024, 14:25, Aktualitet CNA
Reshje dëbore në Kukës, akset problematike
Foto nga Kukësi

Qarku i Kukësit është përfshirë sot nga reshje bore dhe era të forta.

Gjatë inspektimit të rrugëve nacionale vërehet prania e akullit dhe borës në pjesë të segmenteve, ndonëse firmat kontraktuese kanë hedhur kripë, por edhe kanë larguar borën me mjete borëpastruese.

Rrugët problematike ku edhe ka prezencë të akullit dhe borës janë Kukës-Bushtricë-Peshkopi, Kukës-Shishtavec, Krumë-Qafë Luzhe-Bajram Curri apo Kukës-Qafë Mali.

Trashësia e borës nuk i kalon më shumë se 20 cm në lartësitë e këtyre rrugëve, por temperaturat e ulëta shoqëruar me era të forta dhe rënie të reshjeve të borës krijojnë problematika në pjesë të këtyre segmenteve rrugore.

Prandaj kërkohet të tregohet kujdes në përdorimin e këtyre akseve nacionale nga drejtuesit e automjeteve, të cilët duhet të kenë me vete zinxhirët dhe gomat dimërore.

Ndërkohë në disa segmente rrugësh siç është aksi rrugor Dushaj-Lekbibaj ka pasur rrëshqitje të mëdha inertesh dhe gurësh gjë që ka bërë të mundur bllokim të përkohshëm të qarkullimit rrugor.

Furnizimi me energji elektrike vijon të ketë probleme në lagjet nr.2 qyteti Kukës dhe fshatrat Golaj, Qarr, Letaj, Peraj e Zgjeç. 

Nga grupet e punës të OSHEE Kukës po punohet për riparimin e defekteve në këto linja furnizimi./CNA 





Lajmet e fundit nga