LEXO PA REKLAMA!

SHKARKO APP

“E dija një trupë parazitësh”/ Rama i thur elozhe administratës: Na zbardhi faqen në Bruksel

9 Shkurt 2024, 16:04, Aktualitet CNA
“E dija një trupë parazitësh”/ Rama i thur elozhe
Kryeministri Edi Rama

Kryeministri Edi Rama ka thurur elozhe për administratën publike në punën e saj që ka bërë në procesin për integrimin e Shqipërisë në BE.

Rama u shpreh se administrata publike i ka zbardhur faqen në Bruksel, ndërsa ka treguar dhe perceptimet që kishte para se të niste ky proces, perceptime të ndikuara, e theksoi kryeministri.

Ai tha se ishte ndier i frikësuar pasi ajo që kishte dëgjuar për administratën publike që veçse ishin një trupë parazitësh që merrnin punë dhe nuk bënin asgjë.

“Kam qenë shumë i shqetësuar kur filloi procesi dhe nuk e fsheh dot se nuk e kam besuar që administrata jonë do të mund të nxirrte nga vetja një skuadër kombëtare aq të madhe sepse të pafundme janë pikat mbi të cilat procesi duhet të kalonte dhe do të na zbardhte faqen me superlativa në Bruksel.

Nuk e kam besuar dhe e kam ndarë dhe me disa nga bashkëpunëtorët që ky mund të jetë momenti ynë sepse mund të shfaqemi me dobësira që atje në Bruksel nuk i fsheh dot.

Edhe unë personalisht kam rënë pre e një pjese të perceptimit të përgjithshëm që administrata publike është një trupë njerëzish parazitë, një trupë njerëzish që u kanë zënë vendin të tjerëve, marrin punë dhe nuk bëjnë asgjë. Sidoqoftë edhe unë mesa duket isha në ndikimin e këtij perceptimi”, tha Rama./ CNA

Lajmet e fundit nga