web counter
LEXO PA REKLAMA!

SHKARKO APP

App Store
Google Play

E fundit!

x

Formula e Rexhep Meidanit për zgjidhjen e krizës politike/ Kush duhet të tërhiqet

9 Shkurt 2024, 07:11, Aktualitet CNA
Formula e Rexhep Meidanit për zgjidhjen e krizës politike/ Kush duhet
Rexhep Meidani

Ish-presidenti Rexhep Meidani në një intervistë televizive ka komentuar situatën politike në vend dhe ka dhënë një zgjidhje për ngërçin e krijuar. 

Sipas tij në situatën mes qeverisë dhe opozitës duhet të tërhiqen socialistët. 

"Normalisht duhet të tërhiqet më i forti, domethënë pjesa e qeverisë. Besoj do të reflektojnë sepse kështu nuk mund të vazhdohet. Në të gjitha rastet kur ka konflikt, ai që është i fortë bën lëshime. Kështu kemi vepruar edhe ne. Për të gjetur zgjidhje i takon atij që ka mundësitë më të mëdha, pushtetin në dorë", u shpreh ai. 

Këshillat e presidentit Meidani vazhdojnë më tej për socialistët që të mos pengojnë krijimin e komisioneve.

“Ndryshimet e fundit në rregulloren e parlamentit unë nuk i quaj normale. Komisionet parlamentare i japin frymëmarrje demokratike jo vetëm Parlamentit, por edhe shoqërisë, e kufizimin e tyre nuk e quaj element pozitiv”, u shpreh ai. 

Po kështu presidenti Meidani shfaqet kritik edhe për pafuqinë që ka sot kreu i shtetit; ku është e nevojshme sipas tij ndryshimi i mënyrës së zgjedhjes.

“Presidenti aktualisht është jashtë loje. Thelbi është se aktualisht roli i tij është i dobët, nuk e përfaqëson zërin e qytetarëve se nuk është zgjedhur nga populli. Situata nuk është pozitive”, përfundoi ai./CNA 





Lajmet e fundit nga