web counter
LEXO PA REKLAMA!

SHKARKO APP

App Store
Google Play

“Më 20 shkurt do i japim tiranit atë që meriton”/ Berisha fton fermerët në protestë

8 Shkurt 2024, 19:30, Aktualitet CNA
“Më 20 shkurt do i japim tiranit atë që meriton”/
Ish-kryeministri Sali Berisha

Ish-kryeministri Sali Berisha, gjatë fjalës së tij në tubimin e sotëm, ka ftuar të gjithë fermerët që të mbushin rrugët me mjetet e tyre me 20 shkurt në protestën kombëtare.

Lideri i demokratëve thekson se 20 shkurti është dita që t’i japin tiranisë së hajnave atë që meritojnë.

“Thirrja ime është: o sot o kurrë, të bashkohemi dhe më 20 shkurt t’i japim tiranit atë që meriton.

Kam një thirrje miqësore për të gjithë fermerët e Shqipërisë.

I përgëzoj për protestën që bënë sot. I garantoj se PD çdo kërkesë të tyre, të gjitha kërkesat e tyre, qoftë për barazinë e taksave, qoftë për TVSH-në e inputeve, qoftë për naftën, subvencionin për prodhimet, të gjitha do bëhen realitet.

Por mbushi rrugët me të gjitha mjetet tuaja bujqësore, mbushni sheshet, ejani në Tiranë me 20 shkurt, t’i japim tiranisë së hajnave atë që meritojnë.

Demokrate dhe demokratë, këto ditë përsëri theksoj se ju bëtë mrekullinë, bashkimin e demokratëve.

Kjo frymë bashkimi vendimtare për fitoren tonë, t’u frymëzojë ju kudo që jeni, të ngriheni në këtë betejë, e cila ka për fat fitoren, fitoren, fitoren!

Dhe së fundmi, një mesazh nga Rruga e Shpresës, rruga e dritës, rruga e fitores, Surrelit në errësirë.

E kam fjalën sarajeve të Surrelit dhe jo fshatarëve të Surrelit. Ata i përshëndes dhe i garantoj se shumë shpejt se e keqja që u ka mbirë në derë ju dhe mbarë shqiptarëve, do marrë atë që meriton.

Rrofshi ju, rroftë Shqipëria!

Fitore, fitore, fitore! “, tha Berisha./ CNA





Lajmet e fundit nga