LEXO PA REKLAMA!

SHKARKO APP

Brisida Shehaj: Lidhjet e Bashës me lojërat e fatit

8 Shkurt 2024, 13:35, Aktualitet CNA
Brisida Shehaj: Lidhjet e Bashës me lojërat e fatit
Ekspertja e Ekonomisë, Brisida Shehaj

Ekspertja e Ekonomisë, Brisida Shehaj, ka reaguar ndaj Lulzim Bashës, ku thekson se pse nuk reagon për çështjet e rëndësishme për të cilat ka premtuar se do të nxjerrë fakte. 

Ajo thekson se nuk ia ka ndier zërin këto kohë Bashës për bastet dhe inceneratorët. Ekspertja i drejtohet Bashës: Ato pronat dhe apartamentet e trashëguara mos vallë janë blerë me të ardhurat nga biznesi i lidhur me bastet "online"?

Sipas Shehajt, Basha ka thënë para 5 vitesh se do bënte hatanë me denoncime për lidhjet e një eksponenti Rilindas me lojërat e fatit, por deri më tani nuk ka thënë gjë. 

"I dashur Lulzim, ti je idhtari i vetingut në politikë prandaj të lutem bëje këtë transparencë për të mirën e vendit. Bëhu ti shembulli që të ndjekin të tjerët", shprehet ekspertja. 

Reagimi i plotë:

Kam një pyetje dhe pse e diiii do më komentoni duke më thënë akoma me Bashën merresh.
Por realisht jam shume kurioze te di nga Lulzim Basha, ato pronat dhe apartamentet e trashëguara mos vallë janë blerë me të ardhurat nga biznesi i lidhur me bastet online dhe a jane te kulla e Lion Park. Që të jemi të qartë është biznes legal i ofruar për kompani të huaja.
Por thjesht me e dit se sja kam ndjerë më zërin për bastet dhe inceneratorët.
Hera e fundit qe ka folur para nja 5 vitesh ishte se do bente hatanë me denoncime për lidhjet e një eksponenti Rilindas me lojrat e fatit, por ende po e presim ose kush e ka dëgjuar ju lutem më sillnin link.
I dashur Lulzim, ti je idhtari i vetingut në politikë prandaj të lutem bëje këtë transparencë për të mirën e vendit. Bëhu ti shembulli që të të ndjekin të tjerët./CNA

Lajmet e fundit nga