web counter
LEXO PA REKLAMA!

SHKARKO APP

App Store
Google Play

E fundit!

x

Zbulohet emri/ Ja kush do ta udhëheqë luftën e mazhorancës kundër SPAK-ut

18 Janar 2024, 14:28, Politikë Elvi FUNDO
Zbulohet emri/ Ja kush do ta udhëheqë luftën e mazhorancës
Edi Rama, SPAK, foto ilustruese

SKEMA E QEVERISË PËR TË FRENUAR SPAK-un

CNA ka mundur të zbulojë së fundi një skemë apo skenar të mazhorancës dhe kryeministrit Rama ku nëpërmjet parlamentit do të tentohet të futet nën kontroll SPAK-u. Detajet janë zbuluar nga CNA që nga Lindita Nikolla, kryetarja e Kuvendit, te Blendi Çuçi dhe vetë kryeministri Rama. Janë personat, të cilët kanë artikuluar publikisht nevojën e kontrollit apo gjetjen e mekanizmave për të kontrolluar SPAK-un gjoja në emër të Integrimit në BE.

Lindita Nikolla e ka artikuluar në Shëngjin. (Lexo këtu) Më pas Bledi Çuçi me një status në rrjete sociale në mbledhjen e grupit parlamentar të PS-së ditën e hënë (Lexo këtu) dhe së fundi ka qenë vetë kryeministri në dy mbledhjet e tij, atë me drejtorët e Agjencive dhe Sekretarët e Përgjithshëm, dhe mbledhjen e qeverisë zhvilluar dje, ku ka kërkuar që të mos dorëzohen zyrtarët përballë SPAK-ut, të mos u vënë në dispozicion dokumentet, por të kërkojnë afate kohore, të njoftojnë paraprakisht e kështu me radhë.

Zbulohet emri/ Ja kush do ta udhëheqë luftën e mazhorancës

Për të ndalur SPAK-un në luftën kundër korrupsionit arrestimin e ministrave të tij apo Sekretarët e Përgjithshëm ku shumica e atyre që ka pasur në mbledhje janë në hetim dhe u tunden prangat, kryeministri Rama ka gjetur një zgjidhje.

Skema ka filluar disa kohë më parë në momente kur SPAK-u po bëhej gati për arrestimet në Bashkinë e Tiranës, ku u morën dy drejtorë dhe disa zyrtarë të tjerë, ndërkohë që hetimet vazhdojnë dhe pritet që dhe disa drejtorë të tjerë të këtij institucioni dhe zyrtarë të Bashkisë së Tiranës, por dhe shumë persona të tjerë në hetim të shkojnë përballë bankës së të akuzuarve.

Shumë prej tyre janë bashkëpunëtorë të ngushtë të kryeministrit që është në hall tashmë për njerëzit e tij pas reformës në drejtësi që ai e trumbetoi si një sukses të madh dhe se çdo i korruptuar hante dardha, kumbulla apo shalqi pas kurrizit të tij.

KRIJIMI I KOMISIONIT TË PËRKOHSHËM PARLAMENTAR

Burime nga Partia Socialiste i thanë CNA-së se tashmë mazhoranca e ka bërë gati skemën se si do të vendosë në kontroll SPAK-un. Është gjetur një shpikje e re politike. Do të krijohet një komision i përkohshëm parlamentar për të kontrolluar gjoja punën e institucioneve të pavarura.

Zbulohet emri/ Ja kush do ta udhëheqë luftën e mazhorancës

Pra, këtu futet edhe SPAK-u. Gjoja në emër të një kontrolli ndaj institucioneve të pavarura për integrimin, kryeministri Rama kërkon të kontrollojë SPAK-un, ku të thirret në raport Altin Dumani.

Dihet se kreu i SPAK-ut është një nga njerëzit që deri tashmë i ka vënë “kufirin te thana” kryeministrit, në qarqet politike dhe mediatike përflitet se kreu i qeverisë ka kërkuar disa herë takim jozyrtar, por kreu i SPAK-ut i është përgjigjur në mënyrë protokollare dhe nuk ka pranuar kurrsesi të kthehet në një vasal të Edi Ramës ashtu siç janë bërë disa prej prokurorëve të këtij institucioni.

Alarmi i Ramës nuk është i rremë.

Është një alarm i vërtetë për shkak të hetimeve që ka SPAK-u në dorë dhe duket se tashmë qeveria po kërkon të gjejë një mekanizëm duke përdorur parlamentin që ta vërë në kontroll apo ta thërrasë në Apel dhe të kërkojë t’i ballafaqohet dhe t’i raportohet se çfarë po ndodh brenda SPAK-ut që tashmë është një institucion edhe më hermetik në lidhje me hetimet që po kryhen.

MISIONARI I RAMËS NË LUFTËN KUNDËR SPAK-ut

Për këtë kryeministri Rama ka gjetur edhe misionarin e luftës së tij kundër SPAK-ut. Emri i tij është Fatmir Xhafaj.

Zbulohet emri/ Ja kush do ta udhëheqë luftën e mazhorancës
Fatmir Xhafaj dhe Enver Hoxha

Njeriu i Reformës në Drejtësi, ish-ministri i Brendshëm, i larguar nga detyra, pasi vëllai i tij u përfshi në skandalin “Babale”, një audiomontazh në fakt, por që nga ana tjetër tregoi që vëllai i ish-ministrit të Brendshëm ishte një trafikant në kërkim ndërkombëtar me emër të ndryshuar.

Fatmir Xhafaj ka marrë përsipër që të bëjë luftën ndaj SPAK-ut dhe kjo nëpërmjet një Komisioni të Përkohshëm.

Zoti Xhafaj u përfol se do të rikthehej në kabinetin qeveritar si ministri i Drejtësisë dhe zëvendëskryeministër, por këto ishin në kuadër thashethemesh. Mesa duket skema ka qenë ndryshe dhe më e qartë.

Zbulohet emri/ Ja kush do ta udhëheqë luftën e mazhorancës
Fatmir Xhafaj

Pas disa takimesh me kryeministrin Edi Rama, Fatmir Xhafaj, për t’u rirehabilituar politikisht ka pranuar që të jetë pjesë e skemës të luftës së mazhorancës ndaj SPAK-ut për ta frenuar këtë institucion apo për të zbuluar hetimet e brenda tij ndaj zyrtarëve të lartë të shtetit dhe qeverisë shqiptare.

Alarmi i kryeministrit duket se nuk është i rremë. Drita e kuqe është ndezur. Shumë prej bashkëpunëtorëve të tij rrezikojnë shumë dhe Edi Rama duket vërtet shumë i shqetësuar.

Për misionin e luftës së tij kundër SPAK-ut dhe për të frenuar luftën ndaj korrupsionit, Edi Rama ka gjetur Fatmir Xhafajn.

Zbulohet emri/ Ja kush do ta udhëheqë luftën e mazhorancës
Edi Rama dhe Fatmir Xhafaj

LËVIZJE TË TJERA TË QEVERISË PËR NDRYSHIME

Paralelisht me komisionin që do të drejtohet nga Xhafaj, qeveria pretendon edhe disa ndryshime në Kodin Penal apo në ligje të ndryshme duke tentuar të hiqet shpërdorimi i detyrës, një nen nga i cili po akuzohen shumë zyrtarë të qeverisë së Rilindjes, ku tashmë duket se do të ketë arrestime të reja dhe kjo ka sjellë një gjendje shqetësuese brenda mazhorancës, e cila ka përgatitur një Komision të Përkohshëm apo nga ana tjetër disa ndryshime ligjore dhe më tej duke tentuar të përdorë "99-shat e Rilindjes" të shpëtohet nga SPAK-u nëpërmjet komisioneve apo mekanizmave të ndryshme për ta futur në kontroll.

Zbulohet emri/ Ja kush do ta udhëheqë luftën e mazhorancës

Theksojmë se, SPAK-u ka një institucion që e kontrollon. Ai është KLP, institucioni ku dhe raportohet nga SPAK-u për punën dhe aktivitetin e tij vjetor./ CNA





Lajmet e fundit nga