Skema mafioze e sulmit ndaj prokurorëve të SPAK-ut

20 Dhjetor 2023, 14:19, Aktualitet CNA

Skema mafioze e sulmit ndaj prokurorëve të SPAK-ut

Fotomontazh - Prokurori Klodian Braho, në sfond SPAK

Prej shumë kohësh ka filluar një sulm kriminal ndaj prokurorëve të SPAK-ut, një sulm kriminal i drejtuar nga Mirel Mërtiri, njeriu i cili ka marrë disa dënime në Gjykatën e Shkallës së Parë dhe rrezikon të shkojë në 20 vite burg me aferën e inceneratorëve në Elbasan, në Fier dhe në Tiranë.

I shfaqur në media për të shpëtuar nga hallet e tij të ekstradimit nga Austria, Mirel Mërtiri në mënyrë kriminale sulmoi prokurorin Klodian Braho, duke treguar edhe njëherë se ai është dirigjenti i sulmeve mafioze të bëra në media ndaj prokurorëve të SPAK-ut.

Kërcënim mafioz ndaj prokurorit Klodian Braho
19 Dhjetor, 13:02

Ka pasur shumë kritika, do ketë shumë kritika ndaj prokurorëve, ndaj një grupi individësh atje brenda që është thuasje çeta e Rilindjes e komanduar nga godina e qeverisë, apo të tjerë prokurorë që nuk kanë standardet që kërkohen, pritshmëritë janë të larta, kërkohet standardi "Altin Dumani", por nga ana tjetër, përtej kritikave që u bëhen prokurorëve, ka dhe sulme mafioze ndaj tyre.

Klodian Braho është akuzuar në mënyrë kriminale nga disa media me të pavërteta, me aludime, sulme mafioze të dirigjuara nga Mirel Mërtiri dhe paratë që ai paguante në media.

Prokurori Klodian Braho

Mirel Mërtiri e kërcënoi "live" Klodian Brahon për një kallëzim të bërë dhe për hallin e tij na tregoi vetting-un e Klodian Brahos.

Disa media të tjera e dirigjuan këtë histori kohë më parë. Ishte "Top Channel" që përgatiti disa sulme të vazhdueshme. Ishin portale të paguara nga inceneratorët dhe individë gjobaxhinj që sulmuan prokurorët e SPAK-ut për llogari të hetimeve që Mirel Mërtiri të mos merrej i pandehur, por të vazhdonte afera e icneneratorëve, e cila shkon në vlerë 1 miliard euro.

Një aferë e pandalur që tashmë po hetohet dhe pritet që dhjetëra persona të tjerë të arrestohen në lidhje me landfillin e Tiranës, pasi inceneratori nuk ekziston.

Ekskluzive – Arrestime të tjera për inceneratorin e Tiranës
18 Dhjetor, 20:51

Mirel Mërtiri organizon një sulm kriminal, një sulm mafioz ndaj një prokurori të SPAK-ut dhe kjo duhet të jetë një tjetër fraksion, një tjetër dosje hetimore, jo vetëm për të, por edhe për zbatuesit e saj, ata të cilët në muaj e muaj kanë sulmuar SPAK-un për llogari të Mirel Mërtirit, banditit, hajdutit, mashtruesit, kriminelit të dënuar nga gjykata, i cili strehohet në Vjenë dhe ashtu siç e panë shqiptarët publikisht kërkon të ushtrojë presion mafioz dhe kriminal ndaj SPAK-ut dhe ndaj prokurorëve, duke përdorur mediat, ato që paguan dhe ato që shfrytëzon për interesat e tij kriminale personale.

Hetimet për inceneratorët/ Mirel Mërtiri nuk ndal sulmet ndaj SPAK-ut dhe prokurorëve
18 Dhjetor, 21:40

Mirel Mërtiri, tashmë qartazi duket se ka ngelur në minorancë te kompania që dirigjon inceneratorët në Holandë, të cilën tjetërkush e ka në administrim dhe kërkon të shpëtojë lëkurën e tij dhe të vazhdojë vjedhjet me inceneratorët, ku pretendon se në 6 vite ka investuar rreth 70 milionë euro, kur në fakt ky individ këtë shumë parash e ka qarkullim total të ardhurash, jo investim.

Pra, është një mashtrim ndërkohë që sot në 6 vite duhet të kishte investuar 128 milionë euro. Ky është krimi që kanë bërë prokurorët e SPAK-ut, kanë hetuar dhe po hetojnë paratë e Mirel Mërtirit, transfertat e tij nga inceneratori i Tiranës në Zvicër, në Bullgari, nga Zimbabve, ortakëritë e tij me mediat e kështu me radhë.

Investimi në 6 vite tek inceneratori i Tiranës, sipas kontratës koncesionare

Prandaj dhe Mirel Mërtiri është “çmendur” bashkë me ushtarët e tij sepse e vërteta zbulohet ditë pas dite, vjedhjet e tij do të ndalen dhe Mireli do të marrë përgjigjen sipas ligjit së bashku me bashkëpunëtorët e tij dhe tashmë SPAK-u ia ka bërë të qartë atij dhe ndonjë kujtdo tjetër që i vjen vërdallë për t’i marrë ndonjë lekë xhepi./ CNA