E fundit!

12:20 Aktualitet

EKSKLUZIVE/ Ja kandidatët për postin e nëndrejtorit në Policinë e Shtetit

CNA ka zbuluar ekskluzivisht se cilët do të jenë kandidatë...

Projektet për linjat e transmetimit/ Balluku zbulon negociatat me Greqinë, marrëveshja me Italinë

20 Dhjetor 2023, 11:15, Aktualitet CNA

Projektet për linjat e transmetimit/ Balluku zbulon negociatat me

Zëvendëskryeministrja, njëherësh Ministrja e Infrastrukturës dhe Energjisë, Belinda Balluku

Zëvendëskryeministrja, njëherësh Ministrja e Infrastrukturës dhe Energjisë, Belinda Balluku, ka folur për projektet në fushën e energjetikës.

Sot, Balluku njoftoi fillimin e punimeve për linjën 400 kV Shqipëri - Maqedonia e Veriut.

Ajo gjithashtu bëri të tij se Operatori i Transmetimit ka nisur negociata me Greqinë për 3-fishimin e kapaciteteve të transmetimit mes Shqipërisë dhe shtetit fqinj.

Ndërsa me Italinë, ministrja e Energjisë deklaroi se është arritur një marrëveshje dhe në vitin 2024 do të realizohet një studim fizibiliteti për ndërtimin e një linje transmetimi nënujore.

“Këtu ndodhemi në korridorin 8, ka disa kompontentë. Korridori 8 është një korridor energjetik, hekurudhor, korridori i sigurisë evopriane, lidh Detin Mesdhe me Detin e Zi. Shqipëria është një nga hallkat më të rëndësishme të këtij korridori. Kjo linjë transmetimi 400 kv, i shton kapacitetet tona transmetuese me 1500 megavat orë, duke na dhënë komoditet të jashtëzakonshem për ato që do të kemi në të ardhmen. Të gjitha këto kapacitete kanë nevojë për kapacitete transmetuese. Nga burimet në të cilat ne prodhojmë, kemi nevojë për linjat e transmetimit, që të kalojmë në linjat e shpërndarjes Shqipëria është në ditën më të mirë sa u takon projekteve energjetike. Vetëm pak ditë më parë, na u aprovua 10 milionë euro për ndërtimin e një parku fotovoltaik, bëhet fjalë për Parkun Fotovoltaik të Belshit, 50 megavat. Kur projektet janë të mirëstudiuara, kur japin siguri energjetike, me transportin e mallrave, transportin e njerëzve, projektet quhen të konsoliduara.

Duhet thënë kjo linjë transmetimi do të pasohet edhe nga projekte të tjera të rëndësishme. Operatori ynë i transmetimit ka nisur negociata me Greqinë për 3-fishimin e kapaciteteve të transmetimit mes Shqipërisë dhe Greqisë. Kemi arritur një marrëveshje me palën italiane, pasi kemi pasur një bisedë intensive me Ternën për të ndërtuar linjën e transmetimit energjetik me Shqipërisë dhe Italisë, një linjë nënujore. Sot flasim në kushte të tjera. Sot operatori ynë i transmetimit ka ngritur grup pune me palën italiane për të pasur në vitin 2024 një studim fizibiliteti konkret.

Shqipëria ka arritje të prekshme në fushën energjetike, na është dashur të bëjmë reforma të thella. Ne vazhdojmë të investojmë pavarësisht vështirësive që kemi pasur para nesh. Viti 2023 ka qenë një vit pozitiv dhe me shumë zhvillime pozitive për Shqipërinë”, nënvizoi Balluku./ CNA