web counter
LEXO PA REKLAMA!

SHKARKO APP

App Store
Google Play

E fundit!

x

Vrasja në burgun e Peqinit/ Gazetari zbulon si u sigurua arma

19 Dhjetor 2023, 22:07, Aktualitet CNA
Vrasja në burgun e Peqinit/ Gazetari zbulon si u sigurua arma
Sokol Mjacaj, Arben Lleshi

Gazetari Julian Kasapi, ka zbuluar detaje lidhur me ngjarjen e rëndë që ndodhi në burgun e Peqinit.

Kasapi u shpreh se motivi i vetëm për vrasjen e Arben Lleshi nga Sokol Mjacaj është vrasja me pagesë.

Ai tregon se arma nuk është futur në burg për shkak të mosfunksionimit të skanerit, apo përmes ushqimeve, pasi kontrollet janë shumë të imtësishme. Sipas tij ka pasur një bashkëpunim me gardianët për sigurimin e armës brenda burgut.

“Motivi i vetëm është vrasja me pagesë, duke marrë parasysh edhe historinë e hakmarrjes që ka mes fisit Lleshi dhe Hoxha. Arben Lleshit i janë vrarë disa të afërm më herët. Ky nuk është rasti i parë që futen armë në burgjet shqiptare. Nuk mendoj se arma u fut sepse nuk punonte skaneri. Kontrollet në burgun e Peqinit janë shumë të imtësishme edhe nëse nuk punon skaneri. Nuk ka më histori ushqimesh në burgje sot. Të burgosurit marrin para dhe ushqimet i porosisin. Nuk është as histori kamerash, por bashkëpunimi me gardianët.

Ata janë hallka më vulnerabël e sistemit të burgjeve sepse janë të keqpaguar dhe krimi në burgje të tilla u bën karshillëk atyre sepse blihen lehtësisht dhe kërcënohen nga krimi. Mendoj se në këtë rast janë blerë nga krimi i hakmarrjes”, u shpreh gazetari./ CNA





Lajmet e fundit nga