web counter
LEXO PA REKLAMA!

SHKARKO APP

App Store
Google Play

Leksionet e duhura dhe të vërtetat nga Lori Hoxha

19 Dhjetor 2023, 17:00, Aktualitet CNA
Leksionet e duhura dhe të vërtetat nga Lori Hoxha
Foto ilustruese

Zonjusha Lori Hoxha, e cila është dhe CEO ekzekutive e “Top Medias”, do të japë një leksion përpara studentëve të Universitetit Epoka, një nga universitetet për të thënë më të mira në Shqipëri dhe që renditet dhe globalisht si një nga shkollat e larta më të suksesshme dhe më serioze në Shqipëri.

Leksionet e duhura dhe të vërtetat nga Lori Hoxha

Në këtë institucion, në këtë universitet, do të mbajë leksion Lori Hoxha, njeriu që, këtu ka shumë çfarë t’u thotë studentëve, sidomos po të tregohet e sinqertë.

Lori Hoxha duhet të shprehet përpara studentëve se si ua "vodhi aksionet" ortakëve të babait të saj, me të cilët kishte bashkëpunuar e ëma për disa vite? Si sulmoi “Top Channel” gjyqtarët në mënyrë kriminale?

Ka shumë për të thënë në fakt Lori Hoxha. Duhet të tregojë ortakërinë e saj personale me inceneratorët me Mirel Mërtirin dhe Klodian Zoton te “Lori Caffe”.

Takimet me Mirel Mërtirin apo dhe marrëveshjet për t’i vënë në dispozicion mediat.

Pagesat miliona euro që ka marrë “Top Channel” nga afera e inceneratorëve për të sulmuar në mënyrë kriminale prokurorët e SPAK-ut, për të sulmuar organet e drejtësisë, për llogari të një grupi hajdutësh, siç janë ata të inceneratorëve.

Leksionet e duhura dhe të vërtetat nga Lori Hoxha

Kemi të bëjmë me raste kur drejtësia, gjyqtarë dhe prokurorë janë bërë viktima të sulmeve kamikaze nga Lori Hoxha apo nëna e saj.

Leksionet e duhura dhe të vërtetat nga Lori Hoxha

Duhet të na tregojë se si nëna e saj për hir të një historie rozë që lidhet dhe me Lorin sulmuan një biznesmen, të cilit ia çuan hotelin në falimentim, edhe pse kishte investuar me miliona euro me mbështetjen e “Top Channel”, u sulmua në mënyrë kriminale, Montrelux në Korçë.

Lori Hoxha mund ta na tregojë dhe akuzat për gjobëvënie të bëra nga Nadir Çausholli në prokurori, apo reagimet e fundit të Klodian Allajbeut të Spitalit Amerikan dhe kallëzimet ndaj saj apo “Top Channel” të bëra në gjykatën ndërkombëtare.

Duhet të jetë e vërtetë që Lori duhet të na flasë se si e shiti “Top Channel” në një offshore. Si e regjistroi dhe si e çregjistroi në Qendrën Kombëtare të Biznesit, derisa mori aksionet në emër të saj dhe të tjerëve, për një muaj sulmoi në mënyrë banditeske qeverinë.

Në fakt atë detyrë ka media, të jetë opozitare, por sulmi i Lorit ishte për interesa korruptive dhe kriminale siç ka qenë dhe sulmi ndaj prokurorëve të SPAK-ut apo ndaj gjyqtarëve për llogari personale të xhepit të Lori hoxhës.

Vajza që drejton “Top Channel” ka shumë për t’u thënë studentëve se si një media e drejtuar prej saj mund të jetë një shembull i keq dhe të përdoret për interesa personale korruptive.

Ndoshta duhet të tregojë arsyet dhe të vërtetat pse u sulmua “Top Channel” me armë gjatë “Big Brother”-it ku u vra dhe një prej rojeve të objektit.

Cila ishte arsyeja e vërtetë?

Ndoshta Lori ka dëgjuar për historinë e djegies së një lokali në bllok. Mund të pyesë në rrethin e saj familjar. Shumë zëra ka në Tiranë. Ndaj dhe Lori Hoxha mund të na japë një leksion shumë të mirë.

Se si ajo dhe nëna e saj shkatërruan Digitalb dhe e zhytën në humbje duke sulmuar në mënyrë kriminale  drejtuesit dhe aksionerët e një platforme që shkëlqente dhe tani është venitur.

Mund të na tregojë Lori Hoxha se si i “vrau” dhe shpartalloi shokët e babait të saj të ndjerë, bashkëpunëtorët e tij më të ngushtë me të cilët kishte ndërtuar ëndrrën e “Top Channel”.

Leksionet e duhura dhe të vërtetat nga Lori Hoxha

Lori Hoxha mund t’u thotë shumë të vërteta studentëve, të cilat nuk kërkon t’i fshehë, duhet dhe ta pyesin.

Njerëzit që kanë qenë aty pranë si Lori i dinë, por duhet t’i mësojnë dhe studentët se si nuk duhet të jetë një televizion i ndërtuar për të qenë ëndrra e shqiptarëve dhe u kthye në marionetën e interesave klienteliste korruptive apo banditeske si rastet e sulmeve ndaj prokurorëve e gjyqtarëve, gjoja në emër të luftës kundër korrupsionit, por në shërbim të xhepave dhe interesave të Lori Hoxhës, nënës së saj dhe bashkëpunëtorëve të tyre, interesave korruptive të inceneratorëve etj./ CNA

 





Lajmet e fundit nga