web counter
LEXO PA REKLAMA!

SHKARKO APP

App Store
Google Play

Si gënjeu Mirel Mërtiri për inceneratorin e Elbasanit dhe një provë e re për SPAK-un

19 Dhjetor 2023, 11:14, Aktualitet CNA
Si gënjeu Mirel Mërtiri për inceneratorin e Elbasanit dhe
Fotomontazh - Stela Gugallja dhe Mirel Mërtiri

Bosi i inceneratorëve apo “truri” i tyre, siç quhet nga SPAK-u, njeriu që kërkon të fshihet dhe të mohojë të vërtetën, njeriu që krijon skenare mediatike dhe sulme kriminale kundër SPAK-ut, ashtu siç bëri dje “live” në emisionin e Çim Pekës në “Syri TV”, gënjeu publikisht kur dje u tha shqiptarëve se tek inceneratori i Elbasanit kishte pasur një Partneritet Publik Privat dhe familja e tij kishte qenë aksionere për një periudhë disavjeçare.

Në fakt, Mirel Mërtiri gënjeu publikisht kur tha se ai ishte një Partneritet Publik Privat.

Partneriteti Publik Privat do të thotë se privati me lekët e tij investon në një projekt, e zhvillon, e shfrytëzon dhe për një periudhë kohe të caktuar ia kthen shtetit.

Tek inceneratori i Elbasanit gjithçka ka filluar me një kredi të vogël marrë në një bankë të nivelit të dytë dhe më pas është investuar me paratë e dhëna nga shteti, pasi vetëm 6 muaj pas dhënies së kredisë dhe gati 7-8 muaj pas firmosjes së kontratës ka filluar investimi të paguhet.

Pra, qeveria shqiptare i ka dhënë lekë kompanisë për të kryer këtë investim. Nuk ka pasur para kompania “Albtech Energy” e Stela Gugalljës të investojë tek inceneratori i Elbasanit.

Nuk është PPP por investim publik i shtrirë në vite.

Si gënjeu Mirel Mërtiri për inceneratorin e Elbasanit dhe
Fotomontazh - Stela Gugallja, në sfond inceneratori i Elbasanit

 

Mirel Mërtiri gjithashtu tha se kishte humbur disa miliona euro nga investimi i bërë tek inceneratori i Elbasanit, sipas një ekspertize që kanë bërë një grup ekspertësh, të cilët në fakt duhet të ishin prangosur nga SPAK-u, pasi në “lavatriçet” e bëra nga afera e inceneratorëve, nga korrupsioni që ka plasur, ka edhe zullume të tjera.

Mirel Mërtiri pretendon humbje me miliona euro, por ku ishin këto miliona euro, lind pyetja?

SPAK e ka të thjeshtë. Njeriu që pretendon se është një drejtor i thjeshtë i “ITS”-së dhe përfaqësues i një kompanie në Holandë, nuk është pronari, nuk është ai “truri” siç përpiqet të fshihet dhe të mashtrojë me mediat, me propagandën e tij të gjobaxhinjve dhe ortakët e tij mediatikë të korruptuar që sulmojnë SPAK-un.

Ku i kishte miliona eurot Mirel Mërtiri? Në cilën kompani?

Në kompanitë e Klodian Zotos që merreshin me matësit e ujit dhe kanë vjedhur në mënyrë skandaloze ujësjellësit? Pasi në Berat është shkatërruar investimi, në Fier matësit kanë dalë jashtë funksionit, projekte me miliona euro.

Sa miliona janë paguar? Sa kanë qenë të ardhurat? Sa kanë qenë taksat që janë paguar?

Ku janë këto miliona euro që ka humbur Mirel Mërtiri? Ku i gjeti?

Ku i gjeti paratë Stela Gugallja, e cila nuk kishte asnjë lekë në momentin që hapi kompaninë “Albtech Energy” dhe filloi investimin tek inceneratori i Elbasanit, i cili është një kazan me naftë që kërkon 2 milionë euro në vit që të mbahet në punë.

Kjo është e vërteta e Elbasanit, e milionave që ka humbur Mirel Mërtiri dhe e kompanisë së bashkëjetueses së tij, Stela Gugallja, e cila është përfshirë në një skemë kriminale me zyrtarë të lartë të shtetit shqiptar, përfshirë këtu ministra dhe kryetarë bashkish që po hetohen nga SPAK-u nëpërmjet fakteve dhe provave të reja, pikërisht edhe për atë që tha dje Mirel Mërtiri.

Një fakt dhe një provë e re që kishte humbur para, por ishte prokurori që kishte falsifikuar dokumentet, sipas tij, atë që kanë thënë gjobaxhinjtë e tij mediatikë, ata që Mireli i ka paguar, ata që i ka përdorur për të sulmuar SPAK-un dhe për të prishur hetimet.

 

Si gënjeu Mirel Mërtiri për inceneratorin e Elbasanit dhe
SPAK

 

Faktet dhe provat tashmë u pranuan publikisht. Mireli foli dje njësoj si gjobaxhinjtë dhe na tregoi një të vërtetë tjetër për SPAK-un, të hetojë ku i gjeti paratë që investoi më shumë sesa ai kishte marrë nga shteti. Jo siç pretendon se e ka bërë si PPP, por nga paratë që i ka dhënë qeveria shqiptare.

Mireli i paska bërë bamirësi Shqipërisë duke investuar nja 2-3 milionë euro më tepër tek inceneratori i Elbasanit sesa lekët që i ka dhënë shteti shqiptar!

Dardha e ka bishtin mbrapa. Mireli gënjeu publikisht dhe kjo është një provë e re për SPAK-un, për Elbasanin dhe për hetimet e reja./ CNA





Lajmet e fundit nga