web counter
LEXO PA REKLAMA!

SHKARKO APP

App Store
Google Play

E vërteta për Stela Gugalljan, arrestimin dhe ekstradimin e saj

7 Shkurt 2023, 17:47, Aktualitet CNA
E vërteta për Stela Gugalljan, arrestimin dhe ekstradimin e saj
Fotomontazh - Stela Gugallja

Sot mediat nxorën një lajm, të cilin fillimisht e shitën si ndalim të Stela Gugalljas në Austri, një nga personat e akuzuar për aferën e inceneratorëve dhe më pas filluan ta ndryshonin hap pas hapi, duke thënë se nuk ishte arrestim, por paraqitje në gjykatë e të tjera si këto.

Pra, pasi prodhuan një fake news, u përpoqën ta korrigjonin.

Por si qëndron e vërteta?

E vërteta është mjaft e thjeshtë. CNA.al e ka raportuar disa muaj më parë. Stela Gugallja është paraqitur në gjykatën e Vjenës, ku ka dorëzuar dokumentat dhe ka kërkuar strehim politik.

Kjo do të thotë se Stela Gugallja nuk është një njeri që nuk ka adresë dhe nuk dihet ku ndodhet, por ndodhet në Vjenë, në Austri. Ajo ka shkuar e ka hapur një proces gjyqësor për të marrë strehim politik në shtetin austriak.

Sipas të dhënave që ka CNA.al, janë zhvilluar dy apo tre seanca dhe çështja është ende në gjykim, pra nuk ka një vendim për strehimin politik.

Nga ana tjetër, pasi SPAK-u ka plotësuar dokumentacionin dhe procedurat, ministria e Drejtësisë, zyrtarisht siç e kërkon ligji i ka kërkuar shtetit austriak ekstradimin e shtetases Stela Gugallja.

Kjo e fundit është vënë nga autoritetet austriake në dijeni se kërkohet të ekstradohet nga shteti shqiptar për akuzat e korrupsionit, për të cilat Stela Gugallja pretendon se janë akuza me bazë politike dhe për këtë arsye kërkon strehim politik në Austri.

Sot, në një fake news të mirëorganizuar është thënë se është ndaluar, por nuk është arrestuar, është vënë në dijeni e të tjera si këto. Janë thjeshtë procedura që janë kryer nga ministria e Drejtësisë prej shumë kohësh dhe sipas të dhënave që CNA ka, ende nuk ka një vendim nga gjykata për strehimin politik të stela Gugalljas.

Gjithashtu, nuk ka një përgjigje nga autoritetet austriake për ekstradimin e saj, pasi ëhstë dërguar dosja dhe kërkesa për ekstradim, për ta sjellë në Tiranë.

Pra, e gjithë ajo çfarë është thënë sot, filluar kryesisht në media të paguara nga inceneratorët, është thjeshtë dhe vetëm një lojë për të prodhuar gjoja një lajm të madh, ndërkohë që nuk ka asnjë lajm të madh, thjeshtë dhe vetëm ka një procedurë të filluar muaj më parë dhe është një lajm shumë i vjetër./ CNA.al





Lajmet e fundit nga