web counter
LEXO PA REKLAMA!

SHKARKO APP

App Store
Google Play

Shkollat në Kavajë pa sistem ngrohje/ Reagon ashpër kandidati i PD-së për kryetar bashkie

7 Shkurt 2023, 14:39, Aktualitet CNA

Shkollat në Kavajë pa sistem ngrohje/ Reagon ashpër kandidati i

Kandidati i PD-së për Bashkinë Kavajë, Fisnik Qosja ka  denoncuar  mungesën e ngrohjes në shkolla e gjimnaze.

Sipas tij në shkolla nuk ka as kaldaist e asnjë investim për lëndën e pare dhe për pasojë nxënësit dhe mësuesit ngrijnë nga të ftohtit.

Shkollat në Kavajë pa sistem ngrohje/ Reagon ashpër kandidati i
Fisnik Qosja

“Kam marr shumë mesazhe për mungesën e ngrohjes dhe kushteve bazike në shkolla dhe gjimnaze!

Kaloriferët e akullt të shkollave dhe gjimnazeve të inaguruara vitin që sapo lamë pas janë veç fasada e babëzisë dhe paaftësisë së drejtuesve të Bashkisë së sotme.

Në shkolla nuk ka as kaldaist e asnjë investim për lëndën e parë! Nxënësit dhe mësuesit ngrijnë nga të ftohtit.

Rilindja vijon me punësimet fiktive të çdo lloj dallkauku e paraziti, harxhon para publike për ngrohjen e zyrave elektorale në vend që paratë të përdoren për lëndën e parë (pelet, gaz etj). E ndërkohë shkollat e gjimnazet sajdisen me ashkla e tallash si në kohën e qëmotit, ose pa ngrohje fare në rastin më të keq.

Rilindja duhet të kuptojë që qytetarët dhe bizneset presin që tarifat e kripura që paguajnë t'i kthehen në shërbime”, shkruan Qosja në rrjete sociale.

Ai ju ka bërë thirrje drejtuesve dhe nëpunësve të Bashkisë Kavaje, ta lënë për një moment komoditetin e zyrave të tyre të ngrohta, të mbyllin "dyqanet" elektorale që mbahen hapur me zor me paratë e taksapaguesve, "t'i heqin duart nga xhepat" dhe të zbresin në terren për të bërë detyrën për sigurimin e ngrohjes me çdo kusht për nxënësit dhe mësuesit, të cilët rrinë me dorashka kapuç dhe xhup në klasat e shkollave.

“Për turpin e ketyre të babëziturve të paaftë kjo ështe Shqipëria e vitit 2023”, përfundon reagimin Qosja./CNA.al





Lajmet e fundit nga