web counter
LEXO PA REKLAMA!

SHKARKO APP

App Store
Google Play

E fundit!

x

Skandali “McGonigal” dhe lidhjet me Ramën/ Begaj, krah opozitës: Bëri mirë që shkoi në SPAK

6 Shkurt 2023, 21:46, Aktualitet CNA
Skandali “McGonigal” dhe lidhjet me Ramën/ Begaj, krah
Presidenti Bajram Begaj

Pas skandalit McGonigal, ku është i përfshirë edhe emri i kryeministrit Edi Rama, ka folur edhe presidenti i vendit, Bajram Begaj.

Begaj tha në emisionin e Elona Meços se është informuar nga mediat dhe burimet e hapura, duke shtuar më tej se pret analizat dhe gjetjen e institucioneve, për të mos dalë në opinionin e tij personal.

I pyetur lidhur me kërkesën e opozitës drejt SPAK-ut për hetimin e çështjes, Begaj tha që bëri shumë mirë që është drejtuar drejt institucioneve ligjzbatuese për t’u marrë me procesin dhe se kështu duhet të jetë e duhet pasur besim tek to.

Begaj theksoi më tej se kjo çështje është nën hetim dhe duhet pritur derisa të mbarojë.

“Ju thashë dhe pak më parë. Jam një lexues dhe vëzhgues i rregullt i raporteve, si i atyre në vend, ashtu edhe i raporteve ndërkombëtare. Po kështu, jam informuar rreth çështjes që ju sapo përmendët, përmes medias dhe nëpërmjet informimit nga burime të hapura. Duke qenë një lexues i vëmendshëm, pres që të bëjnë analizat dhe deduksionet e tyre institucionet kompetente dhe më pas të dal me opinionin tim personal. Kjo është një çështje nën hetim dhe, sa kohë është një çështje nën hetim, ne duhet të presim derisa ajo të mbarojë. Shumë mirë që opozita i është drejtuar institucioneve ligjzbatuese në vend për t’u marrë me procesin. Dhe kështu duhet të jetë. Duhet të kemi besim tek institucionet”, deklaroi kreu i shtetit./ CNA.al





Lajmet e fundit nga