web counter
LEXO PA REKLAMA!

SHKARKO APP

App Store
Google Play

Pse “Top Channel” dhe gjobaxhinjtë e tij nuk flasin për 110 milionë eurot e aferës së inceneratorëve?!

11 Dhjetor 2023, 11:19, Aktualitet CNA
Pse “Top Channel” dhe gjobaxhinjtë e tij nuk flasin për
Foto ilustruese

Gazetari Ermal Mulosmani, dje, në një shkrim të tij me fakte dhe detaje, të cilin mund ta lexoni këtu, na risolli në vëmendjen mediatike “Top Channel”-in, të cilin e krahasonte me Shullazin, një kriminel shqiptar, i cili përveç akuzave të ndryshme penale ka edhe gjobëvënie.

Në fakt, është apo jo gjobaxhi “Top Channel”, këtë na e ka thënë Endrit Habilaj, një nga njerëzit dhe bashkëpunëtorët e këtij televizioni, i cili u largua nga puna me ceremoni nga gazetari Sokol Balla, një nga violinat e Rilindjes.

Asokohe Endrit Habilaj e akuzoi Vjollca Hoxhën se kishte dashur t’u vinte gjobë biznesmenëve dhe nga ana tjetër “Top”-i u përgjigj se kishte larguar gjobaxhinjtë. (LEXO KETU)

Pse “Top Channel” dhe gjobaxhinjtë e tij nuk flasin për
Sokol Balla dhe Vjollca Hoxha

Në fakt historia e gjobave fillonte më përpara, me atë që ka renditur gazetari Mulosmani, që ka raportuar dhe CNA, me kompani të ndryshme, që u përplasën ashpër me “Top Channel” për çështjen e gjobave. Pati kallëzime edhe në Prokurori, por histori që mbyllen më pas me marrëveshje mes palëve.(LEXO KETU)

Në fakt, prej 3 ditësh SPAK ka vepruar. Ka nxjerrë 15 urdhër-arreste. Për ata që nuk e dinë do të ketë edhe të tjerë, ndoshta dhe për disa që janë brenda oborrit të “Top Channel”, apo dhe drejtues të “Top Channel”, që janë në hetim për ortakëritë e tyre me inceneratorët. Dikush aty brenda ka dhe familjarët të përfshirë, lista është e gjatë.

“Top Channel” nuk na dha asnjë lajm, asnjë investigim, asnjë informacion në lidhje me 110 milionë eurot të hetuara nga SPAK-u, në lidhje me zyrtarët e Bashkisë së Tiranës, krahun e djathtë të Erion Veliajt dhe ata që ishin arrestuar.

Pse “Top Channel” dhe gjobaxhinjtë e tij nuk flasin për
Top Channel

Ky “Top Channel”, së bashku me ndonjë tjetër, përmendim këtu “Report TV”-në, të cilët shkruajnë se SPAK-u ka nxjerrë 15 urdhër-arreste për inceneratorin e Tiranës, sikur të ishte ndonjë gjë dosido. Nuk ishin nxjerrë 15 urdhër-arreste, por ishin arrestuar 15 persona, mes të cilëve edhe krahu i djathtë i kryetarit të Bashkisë së Tiranës.

“Top Channel” sot nuk na thotë asgjë, as gjobaxhinjtë e tij, raportojnë disa lajme sporadike, sikur është një gjë e kotë.

Pse “Top Channel” dhe gjobaxhinjtë e tij nuk flasin për

Ky “Top Channel”, që së bashku me gajdet e tjera të Rilindjes, kur u arrestua Jamarbër Malltezi, për 24 deri në 48 orë nxorën gjithçka, çdo pasuri që ai kishte, histori, informacione, bombardime, a thua se Jamarbër Malltezi kishte vjedhur dhe rrjepur të gjithë Shqipërinë, apo taksat e shqiptarëve, kur në fakt ai kishte zhvilluar pronën e gjyshes së vet dhe nuk kishte përfituar asnjë qindarkë nga taksat e shqiptarëve.

“Top Channel” është përfshirë në një krim, së bashku me gjobaxhinjtë e saj, ata që i strehon aty brenda dhe ata që i përdor jashtë, ata që i dirigjon Mirel Mërtiri nga Vjena apo Mark Jaka në Tiranë. (LEXO KETU)

Në krim janë përfshirë edhe ata që dirigjuan sulmin ndaj prokurorëve të SPAK-ut, që në dy muaj dhanë dhjetëra emisione për prokurorët e SPAK-ut që hetonin inceneratorët, duke i shantazhuar dhe kërcënuar që të mos merrnin të pandehur Mirel Mërtirin për llogari të këtij të fundit. Tashmë shefi i Habilajt dhe ortaku i Top-it rrezikon deri ne 16 vite burg me bashkim dënimesh. (LEXO KETU)

Pse “Top Channel” dhe gjobaxhinjtë e tij nuk flasin për
Endrit Habilaj dhe Mirel Mërtiri

Pa folur për devijimin e hetimit që është një vepër penale, me kallëzime të rreme, duke shkuar në sulme dhe akuza të pavërteta.

Arben Ahmetaj ka marrë arratinë, por në “Top Channel” na tregonin për javë e javë banjat e Tigrit dhe të ish-bashkëshortes së tij, ndërsa sot për 110 milionë euro nuk flet “Top Channel”.

Nuk foli Top-i edhe për Ilir Beqajn dhe nuk kërkoi që ai të kishte të njëjtin standard drejtësie (vendosur nga Altin Dumani), por hesht për 110 milionë eurot sërish siç hesht për sterilizimin apo check up-in. 

Po hesht “Top Channel” dhe gjobaxhinjtë e këtij televizioni, vetë i akuzoi, vetë i përdor. A po bën Lori Hoxha të njëjtat pazare me inceneratorët si Vjollca Hoxha? (LEXO KETU)

Çfarë ka “Top Channel” që hesht për 110 milionë eurot e inceneratorëve, pse nuk flet për këto para? Pse nuk zbardh të vërtetën e pasurive të Taulant Tushes?

Pse nuk i nxjerr zyrtarët e përfshirë në aferë nga i pari tek i fundit ashtu siç na tregoi banjat e Tigrit, pasuritë e Jamabër Malltezit, apo siç na fshehu Ilir Beqajn?

Pse “Top Channel” dhe gjobaxhinjtë e tij nuk flasin për

Pse nuk na i tregojnë këta investigativët e mëdhenj të kanalit zyrtar të Rilindjes, që u shit në “offshore”, që ka ortakëri me Mirel Mërtirin dhe Klodian Zoton, të regjistruar në Bullgari, që ka përfituar miliona euro nga ortakëria, që është paguar me miliona euro për propagandë, për të mashtruar shqiptarët dhe për të fshehur të vërtetën e një abuzimi 110 milionë euro, të cilin kërkojnë ta mbulojnë si një vepër të bërë nga zyrtarë të qeverisë dhe Bashkisë të Tiranës.

-Ku janë të tjerët? Ku kanë shkuar paratë?

-Ku shuan 80 milionë eurot që nuk u dihet vendi?

-Çfarë u bë me paratë e shqiptarëve?

-Pse gënjeu 3 vite “Top Channel” për ortakërinë dhe pronarët e vërtetë të inceneratorëve?

-Sa para përfitoi “Top Channel”?

-Pse strehon dhe mbron gjobaxhinjtë nën hetim nga SPAK-u, duke menduar se do të shpëtojë edhe vetë ndonjë nga pronaret e këtij televizioni të zhytur në llum me aferën e inceneratorëve?

Këto media heshtin për të vërtetën e 110 milionë eurove dhe “ekzekutojnë” publikisht Abi Malltezin për pronën e zhvilluar të gjyshes, apo merren me banjat dhe nuk kanë trajtuar kurrë thelbin e çështjes, por janë marrë me interesat e tyre klienteliste, korruptive dhe përfitime nga aferat dhe koncesionet e qeverisë Rama për të bërë papagallin në shërbim të vjedhjes të shqiptarëve./ CNA

 





Lajmet e fundit nga