LEXO PA REKLAMA!

SHKARKO APP

Lulzim Basha, në rresht me Ramën e Veliajn/ “Kyç gojën” për arrestimet e SPAK-ut

10 Dhjetor 2023, 08:31, Aktualitet CNA
Lulzim Basha, në rresht me Ramën e Veliajn/ “Kyç
Edi Rama, Erion Veliaj , Lulzim Basha

Prokuroria e Posaçme ka kryer hetime në lidhje me inceneratorin e Tiranës dhe lëshoi 15 urdhër-arreste për drejtorë dhe zyrtarë të Bashkisë Tiranë.

CNA mësoi se në prangat e policisë kanë rënë Erjon Murataj, Bledar Karoli, Taulant Tusha, Namik Simixhiu dhe Jetmir Llapaj.

Ndërkohë në arrest shtëpie janë lënë Alba Thoma, Valbona Ballgjini, Sidita Kopliku, Pëllumb Abeshi, Etleva Kondi dhe Sidita Tola.

Pas stuhisë së arrestimeve ka pasur një sërë reagimesh nga politika, media, por ka pasur edhe nga ata që kanë kyçur gojën, duke mos thënë asnjë fjalë për arrestimet nga arrestimet e SPAK-ut.

Në rresht me rilindasit është vënë edhe Lulzim Basha, i cili nuk ka pasur asnjë reagim për hetimet dhe arrestimet e bujshme.

Kështu ka treguar qartë që mban anën e kryebashkiakut Erion Veliaj.

Lulzim Basha, në rresht me Ramën e Veliajn/ “Kyç

Lulzim Basha, në rresht me Ramën e Veliajn/ “Kyç

Ky i fundit nuk ka thënë asnjë fjalë pas arrestimeve të drejtorëve dhe zyrtarëve në bashkinë që drejton.

Një ditë më parë, kryebashkiaku heshti dhe doli me lopatë, ndërkohë që prangat u tundën për bashkëpunëtorët e tij të arrestuar për aferën 110 milionë euro të inceneratorit të Tiranës.

Edhe Lulzim Basha duket qartë më shumë se kurrë se kush është dhe me kë është në politikë.

CNA ka bërë me dije se stuhia e SPAK-ut që përfshiu drejtorët e rëndësishëm të bashkisë nuk do të mbyllet me kaq.

Hetime po kryhen, pasi në këtë aferë ka edhe persona të tjerë të përfshirë.

Kujtojmë se akuza për aferën në Tiranë rëndon edhe ndaj ish-ministrit të Mjedisit, Lefter Koka, dhe ish-sekretarit të tij, Alqi Bllako, të cilët aktualisht ndodhen në burg.

Gjithashtu, urdhër-arreste ka edhe për kokat e inceneratorëve, Klodian Zoto e Mirel Mërtiri, të cilët janë në kërkim ndërkombëtar edhe për aferat në dy inceneratorët e Elbasanit dhe të Fierit.

Urdhër-arrestet u firmosën nga prokurori Dritan Prençi, i cili ndoqi hetimet për këtë aferë./ CNA

 

Lajmet e fundit nga