web counter
LEXO PA REKLAMA!

SHKARKO APP

App Store
Google Play

Ushtarët në burg, Veliaj festë fshatrave

9 Dhjetor 2023, 11:22, Politikë CNA
Ushtarët në burg, Veliaj festë fshatrave
Erion Veliaj

Bën sikur nuk ka ndodhur asgjë. A thua se urdhër-arrestet e lëshuara dje nga SPAK tregojnë pak? E kemi fjalën për kreun e Bashkisë së Tiranës, Erion Veliaj, i cili një ditë pasi SPAK i burgosi drejtorët me peshë në këtë institucion, del e bën festë fshatrave dhe flet për të mirën e komunitetit. 

Veliaj u shfaq sot në qendrën rinore në Petrelë, në krah të ministres së "rëndësishme" Bora Muxhaqi. Anashkaloi komplet hetimet SPAK për aferën e inceneratorit të Tiranës me vlerë 110 milionë euro, ku të përfshirë janë edhe ushtarët e tij.

Veliaj u përpoq edhe sot të manipulonte opinion publik, madje u shfaq edhe si punëtor i madh, me lopatë në dorë, por i mungonte buzëqeshja. Diçka e shqetëson dhe nuk është pak. 

Urdhër-arrestet e lëshuara nga SPAK 

SPAK lëshoi mbërmjen e së premtes 15 urdhër-arrestet e tjera për aferën e inceneratorit të Tiranës me vlerë 110 milionë euro.
CNA mësoi se në prangat e policisë kanë rënë Erjon Murataj, Bledar Karoli, Taulant Tusha, Namik Simixhiu dhe Jetmir Llapaj.
Ndërkohë në arrest shtëpie janë lënë Alba Thoma, Valbona Ballgjini, Sidita Kopliku, Pëllumb Abeshi, Etleva Kondi dhe Sidita Tola.
Akuza për aferën në Tiranë rëndojnë edhe ndaj ish-ministrit të Mjedisit Lefter Koka dhe ish-sekretarit të tij Alqi Bllako të cilët aktualisht ndodhen në burg.

Gjithashtu, urdhër-arreste ka edhe për kokat e inceneratorëve Klodian Zoto e Mirel Mërtiri, të cilët janë në kërkim ndërkombëtar edhe për aferat në dy inceneratorët e Elbasanit dhe të Fierit.

Urdhër-arrestet u firmosën nga prokurori Dritan Prençi, i cili ndoqi hetimet për këtë aferë.

Duhet të theksojmë se SPAK ende nuk ka dhënë një njoftim zyrtar për këto urdhër-arreste dhe konkretisht për akuzat që rëndojnë për secilin nga personat e sipërpërmendur./CNA





Lajmet e fundit nga