web counter
LEXO PA REKLAMA!

SHKARKO APP

App Store
Google Play

E fundit!

x

Ramës “nuk i ndahet shpirti” nga opozita/ Sulmon PD-në në Kongresin e PS-së

8 Dhjetor 2023, 16:37, Politikë CNA

Ramës “nuk i ndahet shpirti” nga opozita/ Sulmon PD-në

Kryeministri Edi Rama, që në nisje të fjalimit të tij në Kongresin e Partisë Socialiste, sulmoi opozitën.

Rama tha se opozita i la në kurriz një vend të zhytur në borxhe, varfëri, korrupsion në çdo qelizë, krim të organizuar, por edhe krim ordiner.

Ai deklaroi se nëse fatkeqësitë që kanë ndodhur në Shqipëri do ta kishin gjetur vendin në gjendjen që la PD, Shqipëria do të ishte dengedisur në një humnerë ekonomike, financiare dhe sociale.

“Morëm në kurriz një vend të zhytur në borxhe, varfëri, korrupsion në çdo qelizë, krim të organizuar, por edhe krim ordiner të shtrirë në të gjithë zonat e banuara të vendit, në një kohë kur askush nuk e merrte seriozisht emrin Shqipëri dhe Shqipëria goditej sa herë zihej me gojë në institucionet ndërkombëtare, qoftë në mediat e botës së lirë.

Në këtë dekadë të parë të qeverisjes sonë, ne kemi punuar shumë në çdo front dhe kemi luftuar me mijëra plagë të trashëguara dhe me plagët e jashtëzakonshme të fatkeqësive të reja që na sprovuan njëra pas tjetrës, një tërmet shkatërrimtar, një pandemi marramendëse, një krizë e rëndë e çmimit të energjisë dhe inflacionit të luftës, të cilat po ta kishin gjetur Shqipërinë në gjunjë, siç ishte 10 vjet më parë do ta kishin dengedisur këtë vend në një humnerë ekonomike, financiare, sociale të paimagjinueshme, pa asnjë ekzagjerim të ngjashme me humnerën e vitit 1997”, theksoi kreu i qeverisë./ CNA





Lajmet e fundit nga