E fundit!

12:20 Aktualitet

EKSKLUZIVE/ Ja kandidatët për postin e nëndrejtorit në Policinë e Shtetit

CNA ka zbuluar ekskluzivisht se cilët do të jenë kandidatë...

Niko Peleshi prezanton objektivat/ Çfarë synon për vitin 2024

8 Dhjetor 2023, 15:45, Politikë CNA

Niko Peleshi prezanton objektivat/ Çfarë synon për vitin 2024

Ministri i Mbrojtjes, Niko Peleshi

Ministri i Mbrojtjes, Niko Peleshi, tregoi objektivat për vitin 2024 në Kongresin e Partisë Socialiste.

Peleshi tha se vizioni i tij dhe i kryeministrit Edi Rama është që Shqipëria të bëhet një faktor i fortë stabiliteti për Ballkanin Perëndimor.

Ai deklaroi se në planet e Ministrisë së Mbrojtjes është ngritja dhe fuqizimi i flotës së mbrojtjes ajrore, mbrojtjes antidron, shtimi i flotës një faktor i fortë stabiliteti për Ballkanin Perëndimor, apo edhe ndërtimi i Portit Ushtarak të Porto Romanos.

“Vizionin e KM për Shqipërinë si Evropa e Ballkanit në gjuhën e sigurisë dhe mbrojtjes ne e përkthejmë: Të ndërrojmë një Shqipëri të fortë – çka do të thotë një faktor i fortë stabiliteti për Ballkanin Perëndimor.

• Krahas punës dhe investimit për përmbushjen e objektivave të kapaciteteve të NATO-s, ne do të punojmë për një qëndrueshmëri kombëtare, për forcimin e kapaciteteve tona kombëtare të mbrojtjes – Sipas artikullit 3 të Traktatit të NATO-s.

Projektet tona afatmesme dhe afatgjate parashikojnë ngritjen dhe fuqizimin e:

• Sistemit të mbrojtjes ajrore dhe mbrojtjes antidron

• Shtimin e flotës së helikopterëve Blackhaëck

• Ndërtimin e Portit Ushtarak të Porto Romanos, si një bazë taktike ndihmuese e NATO-s me modelin e Bazës Ajrore të Kuçovës.

• Se bashkë me aleatët tanë strategjikë do të punojmë për të ndërtuar siguri përgjatë KORRIDORIT VIII, një korridor evropian që lidh Detin e Zi me Detin Adriatik apo thënë ndryshe Adriatikun me krahun lindor të aleancës sonë, krahun më të kërcënuar të NATO-s.

• Edukimi ushtarak do të jetë një komponent i përhershëm i zhvillimit tonë të mbrojtjes, jo vetëm për të siguruar arsimimin e nevojshëm për ushtarakët, por edhe për të kultivuar karakterin dhe ndjenjën e patriotizmit. Ndërkombëtarizimi i edukimit ushtarak për të kontribuuar me dije edhe për vendet e rajonit e më gjerë, tashmë ka filluar”, theksoi ai ndër të tjera./ CNA