web counter
LEXO PA REKLAMA!

SHKARKO APP

App Store
Google Play

E fundit!

x

Rama “injoron” Greqinë/ Nuk mërzitem asnjë fije edhe po na bllokuan integrimin

8 Dhjetor 2023, 17:10, Politikë CNA
Rama “injoron” Greqinë/ Nuk mërzitem asnjë fije edhe
Kryeministri Edi Rama

Kryeministri Edi Rama u ndal gjatë fjalës së tij në Kongresin e PS-së, te paralajmërimi i Greqisë për të penguar procesin e integrimit të Shqipërisë në BE.

Rama tha se nuk do të ndryshojë qëndrim ndaj Greqisë, ndërsa deklaroi se edhe nëse shteti fqinj nav endos veto, nuk do të mërztet.

Përkundrazi, kreu i qeverisë theksoi se do të jetë më i motivuar për të përshpejtuar procesin për integrim në BE.

“Ne do shkojmë në Bruksel për mbledhjen e KE, me kokën lart për të gjitha rezultatet e nënvizuara qartë në raportin e kongresit amerikan dhe të përshëndetura nga 26 shtete anëtarë te Be. Vetëm një shtet e ka lënë ende pezull opinionin e vet dhe jo për rezultatet e pamohueshme të Shqipërisë po për një arsye të mos arsyes tradicionale ballkanike. Greqia. Historia dihet. Duke përsëritur qëndrimin tonë ndaj arsyes në fjalë. Qëndrim që as nuk ndryshon deri në 13 dhjetor dhe as përtej 13 dhjetorit. Ky qëndron nuk do të ndryshojë jo sepse ne jemi kokëfortë por sepse arsyeja për të mos ndryshuar qëndrim është shumë më kokëfortë se ne.

Brez pas brezi ishte trashëguar gojëdhëna se nuk do të dilte kurrë. Unë nuk do ta pranoj ta besoj deri në 13 dhjetor se fqinjët tanë do t’i vënë tapën e vetos shishes së hapur me aq përkushtim punë e profesionalizëm nga një skuadër më shumë se 100 veta në të gjithë sistemin e shtetit tonë që e ka përfaqësuar me dinjitet e seriozitet Shqipërinë në tryezat e dialogut për skanimin e plotë të gjendjes së vendit duke na nderuar të gjithëve

Të gjithë që na dëgjojnë dua t’u them se në rast se kjo ndodh unë nuk do kthehem nga Brukseli i mërzitur, asnjë fije ju siguroj. Do kthehem edhe më krenar edhe më i motivuar për të vazhduar së bashku punët e mëdha të shtëpisë tonë të përbashkët edhe më i bindur se një absurditet i tillë s’do ta vonojë asnjë ditë procesin tonë në BE. Madje edhe më i vendosur për të përshpejtuar këtë proces për ta bërë gati Shqipërinë për në BE edhe më parë sesa Shqipëria të jetë gati”, nënvizoi Rama./ CNA





Lajmet e fundit nga