web counter
LEXO PA REKLAMA!

SHKARKO APP

App Store
Google Play

Nga Sazan Guri/ SOT 67 VJEÇ – JO SA JAM, POR Ç’JAM!

11 Dhjetor 2023, 10:16, Aktualitet Sazan Guri
Nga Sazan Guri/ SOT 67 VJEÇ – JO SA JAM, POR Ç’JAM!
Sazan Guri

Ambientalisti Sazan Guri sot feston 67-vjetorin e tij të lindjes. Në ditëlindjen e tij, Sazan Guri ka treguar se ndryshe nga brezi i tij, nuk ka preferuar të qëndrojë si pensionist, por të jetë aktiv në shërbim të shoqërisë dhe kombit të tij. 

"Sot 67 vjeç, dy vjet plot nga jeta që duhej të shikoja rehatin tim, por nuk e zgjodha se nuk është rehat shoqëria dhe kombi im!

Sot 67 vjeç, dy vjet plot nga jeta që mund ta rrokja si pa telashe, pa strese, pa shqetësime, por nuk i desha, se jam i bindur se e kundërta do më jepte telashe e strese.

Sot 67 vjeç, dy vjet plot që mund të mos jepja mësim, që mund të mos punoja, por nuk i lashë, sepse truri ose përdoret ose humbet (use it or lose it), ndaj, pëlqeva ta përdor për të mos ta humbur atë;

Sot 67 vjeç, dy vjet plot duke jetuar rininë e pleqërisë dhe në fakt jeta fillon nga e para, sepse për nga puna e veprat që bën i përkasin pleqërisë së rinisë;

Sot 67 vjeç, dy vjet plot duke jetuar pensionin zyrtar, por kurrë pensionist, ku të shoh se si të tjerët luajnë tavëll e domino dhe më pas të luaj vetë e të mendoj shkel e shko;

Sot 67 vjeç, dy vjet plot duke jetuar statusin si senator (senat-i shenjt at) në familje, në shkencë, në punë, në shoqëri, ku edhe mund të lodhesh pak më shumë për shkak të moshës, por shplodhesh akoma më shumë për të kaluarën jo pa vlerë, dhe pse ke mundësinë të përkëdhelësh nipërit plot sheqer.

Sot 67 vjeç, dy vjet plot i të qenit I TËRI PËR NJERËZIT NË NEVOJË, po jo kur e kanë pisk për punët e pista, por kur kanë hall për derte komunitare nga individë e pushtete zullumqare", shkruan Sazan Guri./ CNA





Lajmet e fundit nga