Endrit Shabani, asnjë fjalë për arrestimet e bujshme për inceneratorët/ I shtohet listës së të heshturve

10 Dhjetor 2023, 09:33, Aktualitet CNA

Endrit Shabani, asnjë fjalë për arrestimet e bujshme për

Arrestimet e bujshme të SPAK-ut për inceneratorin e Tiranës, ku u vunë në pranga drejtorë dhe zyrtarë të rëndësishëm të Bashkisë Tiranë, kanë kaluar pa asnjë reagim nga ana e “Nismës Thurje” të Endrit Shabanit.

Ky është një fakt që të habit pasi "Nisma Thurje" ka qenë një ndërsa kallëzueset e aferës korruptive që ka gllabëruar për vite me radhë paratë nga xhepat e shqiptarëve.

Por ndoshta Endrit Shabani se di që "Nisma Thurje" ka kallëzuar inceneratorët, por po ia kujtojmë se akuzonte qeverinë se ishte e kompromentuar në falsifikimin e dokumenteve të pronësisë, ku do të ndërtohej inceneratori i Fierit.

Në kallëzimin e saj, “Nisma Thurje” pretendonte se grupi i inceneratorëve në Shqipëri, duke nisur nga Fieri, Elbasani dhe Tirana, kishte lidhje me Klodian Zoton dhe Mirel Mërtirin, të cilët sipas kallëzimit të saj lidheshin me kompani të regjistruara jashtë vendit.

Për inceneratorët ka pasur arrestime. Në pranga kanë rënë Erjon Murataj, Bledar Karoli, Taulant Tusha, Namik Simixhiu dhe Jetmir Llapaj, në arrest shtëpia janë Alba Thoma, Valbona Ballgjini, Sidita Kopliku, Pëllumb Abeshi, Etleva Kondi dhe Sidita Tola. Nga ana tjetër akuza ka pasur edhe për ish-ministrin e Mjedisit, Lefter Koka, dhe sekretarin e tij Alqi Bllakon, po ashtu urdhër-arreste ka edhe për “kokat” e inceneratorëve Klodian Zoto e Mirel Mërtiri, por për të gjitha këto Endrit Shabani nuk ka asnjë reagim, nuk ka asnjë fjalë për të thënë.

Por cila është arsyeja? Mos ndoshta po shkon drejt Ramës? Apo ka detyrime ndaj lali Erit?

Por Endrit Shabani nuk është i vetmi që nuk ka reaguar për arrestimet e SPAK-ut pas hetimeve për inceneratorët. Ai ndodhet në rresht me rilindasit dhe Luli Bashën, i cili gjithashtu duket qartë se është vendosur në anën e Veliajt dhe Ramës, duke treguar kështu se kush është dhe me kë është në politikë.

Lulzim Basha, në rresht me Ramën e Veliajn/ “Kyç gojën” për arrestimet e SPAK-ut
10 Dhjetor, 08:46

Urdhër-arrestet nga Prokuroria e Posaçme

SPAK lëshoi mbrëmjen e së premtes 15 urdhër-arrestet e tjera për aferën e inceneratorit të Tiranës me vlerë 110 milionë euro.

CNA mësoi se në prangat e policisë kanë rënë Erjon Murataj, Bledar Karoli, Taulant Tusha, Namik Simixhiu dhe Jetmir Llapaj.

Ndërkohë në arrest shtëpie janë lënë Alba Thoma, Valbona Ballgjini, Sidita Kopliku, Pëllumb Abeshi, Etleva Kondi dhe Sidita Tola.

Akuza për aferën në Tiranë rëndojnë edhe ndaj ish-ministrit të Mjedisit, Lefter Koka, dhe ish-sekretarit të tij Alqi Bllako, të cilët aktualisht ndodhen në burg.

Gjithashtu, urdhër-arreste ka edhe për kokat e inceneratorëve, Klodian Zoto e Mirel Mërtiri, të cilët janë në kërkim ndërkombëtar edhe për aferat në dy inceneratorët e Elbasanit dhe të Fierit.

Urdhër-arrestet u firmosën nga prokurori Dritan Prençi, i cili ndoqi hetimet për këtë aferë.

SPAK konfirmoi CNA-në në lidhje me aferën e inceneratorit të Tiranës, pasi gjithçka CNA e kishte raportuar dhe denoncuar me fakte dhe dokumente në dhjetëra qindra shkrime të saj. /CNA