web counter
LEXO PA REKLAMA!

SHKARKO APP

App Store
Google Play

SHBA mbështet opozitën/ Komisionet Hetimore sjellin përparim

11 Dhjetor 2023, 11:13, Aktualitet CNA
SHBA mbështet opozitën/ Komisionet Hetimore sjellin përparim
Pamje nga Kuvendi

I Ngarkuari me Punë në Ambasadën e SHBA-së në Tiranë, David Wisner, ka mbështetur opozitën në lidhje me kërkesën për ngritjen e Komisioneve Hetimore, të refuzuar nga mazhoranca.

Wisner, gjatë një interviste për mediat, shprehet se edhe Kongresi i SHBA-së ka debate dhe kundërshtime, por është vërtetuar se hetimet e komisioneve kanë sjellë përparime të rëndësishme në politikë dhe të politikave.

Sipas diplomatit, një gamë mjetesh janë me rëndësi për të siguruar demokracitë t’i debatojnë zhvillimet.

“Edhe Kongresi ynë ka debate shumë energjike dhe ndonjëherë plot kundërshti, përfshi edhe nëpërmjet komisioneve tona hetimore. Hetimet tona, në shumë raste, kanë çuar në përparim të rëndësishëm politik dhe të politikave. Si parim i përgjithshëm, mekanizmat legjislativë marrin kohë dhe janë të vështira, por një gamë mjetesh janë me rëndësi për të siguruar që demokracitë t’i debatojnë zhvillimet”, ka thënë Wisner.

Kujtojmë se prej javësh, opozita ka nisur protestat e saj në Kuvend, pasi mazhoranca ka rrëzuar kërkesat e tyre për ngritjen e Komisioneve Hetimore për koncesionet dhe rrjedhjet e të dhënave të shqiptarëve.

Ata kanë paralajmëruar se nuk do të ketë ndalim të betejës derisa të drejtat kushtetuese të opozitës të zbatohen./ CNA





Lajmet e fundit nga