LEXO PA REKLAMA!

SHKARKO APP

E fundit!

x

Denoncimi/ Dhjetëra kallëzime, asnjë reagim nga SPAK

9 Dhjetor 2023, 12:35, Aktualitet CNA

Denoncimi/ Dhjetëra kallëzime, asnjë reagim nga SPAK

Ish-deputeti Belin Këlliç thotë se ka dorëzuar në SPAK me dhjetëra kallëzime për afera të ndryshme por deri më tani nuk ka pasur asnjë reagim nga SPAK.

Në një deklaratë për mediat ai renditi disa prej aferave korruptive për të cilat ai ka denoncuar me fakte dhe prova por deri më tani nuk ka asnjë reagim nga ky institucion i drejtësisë.

“Deri sot në SPAK janë dorëzuar mijëra faqe. Kam dërguar në SPAK kallëzim për fabrikën e asfaltit në Tiranë që e dinë të gjithë që punon në të zezë e bëhet evasion fiskal, kam denoncuar para mediave, live dhe ende nuk ka ndodhur asgjë. Kam denoncuar rrugën që tenderoi fiktivisht dhe paratë do të shkonin në fushatë elektorale dhe sot nuk ka një reagim nga SPAK-u. Kam denoncuar kompaninë 5D, 5 hajdutët e Bashkisë Tiranë dhe sot që ne flasim ende nuk ka asnjë reagim. Drejtori i Bashkisë Tiranë dhe familjarët e tij kanë marrë 22 milionë euro dhe sot që ne flasim nuk ka asnjë reagim.  Kam dërguar dhe dokumente për raste të tjera por nuk ka pasur reagim.”, tha Këlliçi./ CNA

Lajmet e fundit nga