web counter
LEXO PA REKLAMA!

SHKARKO APP

App Store
Google Play

Ryshfeti në Shqipëri/ Eksperti: Po denoncove nuk merr shërbimin

9 Dhjetor 2023, 09:03, Aktualitet CNA
Ryshfeti në Shqipëri/ Eksperti: Po denoncove nuk merr shërbimin
Foto ilustruese

Eksperti i Ekonomisë, Mateo Spaho, thotë se qytetari që shkon për të marrë një shërbim dhe detyrohet të japë ryshfet, nuk është aq fajtor sa të korruptuarit.

Sipas ekspertit qytetari nëse nuk do të japë ryshfet për marrjen e një shërbimi, do i duhet të përballet me një strukturë të tërë dhe në rastet kur denoncon nuk e merr shërbimin.

Në një intervistë për Euronews tha se kemi qenë pak të ashpër me qytetarët, duhet të jemi pak më të butë.

“Kemi qenë pak të ashpër me qytetarët, duhet të jemi pak më të butë. Ju jeni një person që ka një hall, doni të merrni një shërbim të caktuar. Shkoni në një institucion. Ai nëpunësi që shkoni atje të kërkon ryshfet, ta kërkon se ashtu është zgjuar në mëngjes, apo është pjesë e një strukture dhe mesazhi që e merr. Ti e di që po e denoncove, shërbimin nuk do e marrësh. Ti kur shkon si qytetar nuk ke përballë një qytetar, por një strukturë. Qytetari shkon në një situatë kur e ka shumë të vështirë t’ja dalë mbanë pa korrupsion kur struktura është e kapur”, tha Spaho.

Euronews zhvilloi dhe një sondazh lidhur me mënyrën si e shikojnë korrupsionin dhe rezultoi se:

Socialistët janë shumica (50.4%) e atyre që mendojnë se në 5 vite korrupsioni në Shqipëri është ulur.

Diferenca mes tyre dhe votuesve të Partisë Demokratike është shumë e madhe, këta të fundit zënë vetëm 8.9 % të të gjithë atyre që mendojnë se korrupsioni është ulur në 5 vite e fundit, në vendin tonë.

Ky trend i perceptimit të socialistëve vërtetohet edhe kur pyeten për eksperiencën e tyre të drejtëpërdrejtë krahasuar me 5 vite më pare. Edhe në këtë matje, ata janë shumica (56.2%) e atytre që mendojnë se korrupsioni është ulur./ CNA





Lajmet e fundit nga