LEXO PA REKLAMA!

SHKARKO APP

Dalin emrat/ Kush janë personat e fundosur për aferën e inceneratorit të Tiranës

8 Dhjetor 2023, 21:11, Aktualitet CNA

Dalin emrat/ Kush janë personat e fundosur për aferën e

CNA ka mësuar emrat e personave që janë vënë në pranga këtë të premte për aferën në inceneratorin e Tiranës.

Burime për CNA bëjnë me dije se janë arrestuar Erjon Murataj, Bledar Karoli, Taulant Tusha, Namik Simixhiu dhe Jetmir Llapaj.

Akuza për aferën në Tiranë rëndojnë edhe ndaj ish-ministrit të Mjedisit Lefter Koka dhe ish-sekretarit të tij Alqi Bllako të cilët aktualisht ndodhen në burg.

Gjithashtu, urdhër-arreste ka edhe për kokat e inceneratorëve Klodian Zoto e Mirel Mërtiri, të cilët janë në kërkim ndërkombëtar edhe për aferat në dy inceneratorët e Elbasanit dhe të Fierit.

arrest shtëpie janë lënë Alba Thoma, Valbona Ballgjini, Sidita Kopliku, Pëllumb Abeshi, Etleva Kondi dhe Sidita Tola.

Urdhër-arrestet janë firmosur nga prokurori Dritan Prençi, i cili ndoqi hetimet për këtë aferë.

Arrestimet për rastin e Tiranës i paralajmëroi më herët ditën e sotme edhe gazetari Elvi Fundo.

SPAK nuk ka dalë ende me një njoftim zyrtar. Kujtojmë se Prokuroria e Posaçme ka sekuestruar inceneratorin e Tiranës, pasi u faktua afera, e cila kishte në krye Klodian Zoton dhe Mirel Mërtirin./ CNA

Lajmet e fundit nga