web counter
LEXO PA REKLAMA!

SHKARKO APP

App Store
Google Play

E fundit!

x

Mes tensionit, influencave dhe CV-ve/ Si u zgjodhën 3 prokurorët e SPAK-ut

8 Dhjetor 2023, 12:39, Aktualitet CNA

Mes tensionit, influencave dhe CV-ve/ Si u zgjodhën 3 prokurorët e

"WebLajm" zbardh ekskluzivisht se si u votua dje në Këshillin e Lartë të Prokurorisë, në një seancë ku pas kuintave s'ka munguar influenca, grupet e interesit dhe CV e aftësitë e 8 prokurorëve në garë.

Ajo që bie në sy është se Ols Dado i komanduar disa muaj më parë në SPAK ka marrë votat maksimale, 227 pikë. Pas tij renditet Anita Jella, drejtuesja e prokurorisë Durrës, e cila ka fituar 226 pikë. Ndini Tavani ka marrë 217 pikë, ndërsa KLP ka vlersuar njësoj me nga 7 pikë performancën e 8 prokurorëve.

Edhe pse s'ka marrë asnjë vlerësim nën 18 pikë nga anëtarët e KLP-së drejtuesi i prokurorisë së Elbasanit, Kreshnik Ajazi, nuk arriti të bëhet pjesë e SPAK-ut.

Referuar tabelës së siguruar ekskluzivisht nga "weblajm.com" 20 pikë nga të gjithë anëtarët e KLP-së ka marrë vetëm Ols Dado, çka rezulton se është i vetmi që ka bërë në një mendje KLP-në për herë të parë.

KLP nuk votoi unanimisht as në garën për zgjedhjen e kreut të SPAK-ut, ku vetë Altin Dumani fitoi me diferencë të ngushtë me Ervin Kondilin.

"WebLajm" raportoi prej ditës së djeshme që në këshill po zhvillohej një garë e fortë për tre prokurorët. Ndërsa mister mbetet fakti se si të gjithë u kualifikuan në fazën finale, teksa nuk plotësonin kushtet ligjore!

Urojmë që në këtë përzgjedhje dhe votim të mos ketë influencuar krimi dhe pushteti. Suksese fituesve!/ Weblajm

 





Lajmet e fundit nga