Ekskluzive- Zbulohet kontrata e shitjes së "Top Channel"

25 Mars 2023, 09:53, Aktualitet CNA

Ekskluzive- Zbulohet kontrata e shitjes së "Top Channel"

Foto ilustruese

CNA zbuloi dy ditë më parë dokumentet ekskluzive për shitjen e televizionit të "Top Channel".

Bëhej fjalë për një procedurë shitjeje të miratuar nga aksionerët, çuar në Belize, vend i njohur si një nga parajsat fiskale.

Dokumenti i parë është një vendim i aksionerëve i datës 14 janar, i firmosur nga e gjithë familja Hoxha. Konkretisht për shitjen e televizionit kanë rënë dakord dhe kanë firmosur Vjollca Hoxha, Lorela Hoxha, Sara Hoxha, Itan Hoxha dhe Redia Hoxha.

CNA zbuloi dokumente të tjera të rëndësishme për vendimin e asamblesë ortake të 14 janarit dhe miratimin e shitjes nga blerësit.

CNA sjell sot për herë të parë kontratën e shitjes së televiziont "Top Channel", e cila tregon se shitësit janë Vjollca Hoxha, Lorela hoxha, Sara Hoxha, Redia Hoxha dhe Itan Hoxha.

Ekskluzive- Zbulohet kontrata e shitjes së "Top Channel"

Ndërsa blerësi është "Western Media Conglomerate Ltd", një kompani e themeluar në ishullin e Nevisit, Federata e Shën Kristoforit dhe Nevisit me seli të regjistruar në Hamilton Development , Unit B, Charlestown, Nevis, West Indies, e përfaqësuar nga Leoneli Gonzalez, e referuar si blerësi.

Ekskluzive- Zbulohet kontrata e shitjes së "Top Channel"

Sipas kontratës, qëllimi i kësaj marrëveshje është të rregullojë shitjen dhe blerjen e aksioneve dhe rregullimin e detyrimeve të palëve në cilësinë e tyre të shitësve dhe blerësit.

Dokumenti është i përbërë nga 10 faqe, është me firmat e aksionerëve dhe blerësit në çdo faqe, i shkruar në gjuhën shqipe dhe angleze.

Shitja e këtij televizioni është bërë gjatë momentit ku ndaj aksioneve ka qenë duke u zhvilluar një proces në Gjykatën e Lartë në datën 14 janar 2023 në të njëjtën datë kur është marrë vendimi nga aksionerët dhe është bërë aprovimi nga blerësit.

Ekskluzive- Zbulohet kontrata e shitjes së "Top Channel"

Vlera e shitjes është vetëm 9 milionë euro, ashtu siç shkruhet edhe në kontratë. Një vlerë shumë e ulët në lidhje me atë që vlen një televizion si "Top Channel".

Dokumentet zyrtarisht që ka publikuar CNA, janë çuar në QKB, por kontrata nuk është regjistruar dhe nuk figuron që të ketë ndryshime përfundimtare të pronësisë./ CNA.al

Ekskluzive- Zbulohet kontrata e shitjes së "Top Channel"