LEXO PA REKLAMA!

SHKARKO APP

Fakti-"Top Channel" me dy fytyra/ Si ndryshoi qëndrim për Portin e Durrësit

17 Shkurt 2023, 11:04, Aktualitet CNA

Fakti-"Top Channel" me dy fytyra/ Si ndryshoi qëndrim për

“Top Channel” apo Top-inceneratori, korrupsionin e sheh ndryshe në mëngjes, ndryshe në darkë, ndryshe dje e ndryshe sot, sipas interesave të momentit në lidhje me pushtetin.

Bën opozitë kur i cenohen interesat e tij dhe jo të qytetarit dhe sapo të vijojnë përkëdheljet nga pushteti, ndryshon pllakë.

Kështu ka ndodhur edhe me projektin e Portit të Durrësit.

 

Fakti-"Top Channel" me dy fytyra/ Si ndryshoi qëndrim për
Projekti për Portin e Durrësit

 

Një natë më parë, “Top”-i e ka ngritur në qiell projektin dhe investitorin.

Në fakt, një investim i tillë do të thotë zhvillim për Shqipërinë, por për “Top Channel” vitin e kaluar ishte një projekt korruptiv dhe investitori nuk ishte në nivelin e duhur, ndërsa këtë vit u bë një projekt madhor dhe investitori është i duhuri.

Si e sheh sot “Top”-i, projektin për Portin e Durrësit?

“Top Channel”, ka rikthyer skemën që ka ndjekur për 9 vite radhazi në mbështetje të Rilindjes.

Për “Top”-in sot projekti i Portit të Durrësit është një investim kolosal, konform ligjeve shqiptare.  

Grida Duma ka udhëtuar në Dubai për takuar investitorin Muhamet El Alabbar.

Fakti-"Top Channel" me dy fytyra/ Si ndryshoi qëndrim për

Duma është interesuar për prioritetet e Alabbar, për mënyrën se si i ka bërë paratë dhe është kujdesur të thotë se kryeministri i vendit nuk do të përfshihet në projekt, edhe pse është artist.

“Edhe pse në Shqipëri miliarderi Alabbar do të bëjë një investim kolosal si “Porti i Durrësit”, ai ka treguar se kryeministri i vendit nuk i përfshihet në projekt, pavarësisht se është artist.

Alabbar tha se e vlerëson shumë artin e Ramës dhe mendimet e tij kreative, pasi sipas tij, ai e shikon botën me një sy brenda syrit të artistit”.

Fakti-"Top Channel" me dy fytyra/ Si ndryshoi qëndrim për

Alabbarin e ka pyetur edhe për deklaratat që Partia Demokratike ka bërë në lidhje me projektin madhështor që do të ndërtohet në Durrës dhe ai është shprehur se mjafton të tregojnë të vërtetën.

“Mendoj që njerëzit janë të lirë. Opozita, në Shqipëri ka demokraci ata janë njerëzit e lirë dhe mund të thonë çfarë të duan. Unë shpresoj që njerëzit të thonë të vërtetën, këtë dua. Ndonjëherë njerëzit bëjnë komente të pavërteta, por unë nuk reagoj ndaj gjërave të tilla”, është shprehur Alabbar.

Si e shihte “Top Channel” dje, projektin për Portin e Durrësit

Jo shumë larg, por në fund të vitit të kaluar, në edicionet informative të “Top Channel”,  akuzat ndaj Qeverisë nuk mungonin për këtë projekt.

“Porti i Durrësit, çfarë nuk shkon me projektin?”

Ky ishte titulli i emisionit të Grida Dumës, në nëntor të vitit 2022.

Fakti-"Top Channel" me dy fytyra/ Si ndryshoi qëndrim për

I të njëjtës Gridë që një natë më parë e solli, investitorin Alabbarin, në një këndvështrim pozitiv.

Në emisionin në fjalë, u tha se kompania private nuk është në nivelin që është thënë, në statusin e investitorit strategjik dhe u ngritën pikëpyetje për mungesën e konsultimin publik.

Dhe “Top”-i nuk ndalej,  e sulmonte Qeverinë, se përse kishte zgjedhur  investitorët privatë në vend të ndihmës nga Bashkimi Europian.

“Një grant që do të jepej për rehabilitimin e kalatave në portin e Durrësit në vlerën e 28.7 milionë eurove u anulua nga BE-ja. Delegacioni i BE-së e justifikoi anulimin e grantit me ndryshimin e projektit. Por, ministrja Belinda Balluku u shpreh se ajo ishte një kredi dhe anulimi ishte vendim i qeverisë shqiptare”, thuhej në një nga lajmet e “Top Channel”, ku akuzohej se kishte gënjyer zëvendëskryeministrja, Belinda Balluku.

Fakti-"Top Channel" me dy fytyra/ Si ndryshoi qëndrim për

Fakti-"Top Channel" me dy fytyra/ Si ndryshoi qëndrim për

Fakti-"Top Channel" me dy fytyra/ Si ndryshoi qëndrim për

Nuk mbaronte këtu “opozitarizmi”, fals i “Top Channel”.

Dha alarmin se po shiteshin ndërtime në ajër, për projekt që sipas tyre opozita e quan aferën më të madhe korruptive në këto 30 vite.

“Projekti i ‘Durrës Marina Yacht’ nisi sot procesin e shitjeve të ndërtesave të para duke aplikuar çmime më të larta edhe se zonat e lakmuara në Tiranë. Blerësit sot kanë prenotuar ajër, për një projekt që ka shumë kundërshtime politike, por edhe ligjore në gjykatën kushtetuese. Opozita e quan atë si afera korruptive më e madhe e 30 viteve”, raportonte “Top Channel”.

Fakti-"Top Channel" me dy fytyra/ Si ndryshoi qëndrim për

Këto janë dy fytyrat e “Top Channel”, njërës prej mediave të paguara sistematikisht nga inceneratorët me paratë e korrupsionit, aferës më të madhe korruptive që është në duar të SPAK-ut.

Çfarë e ndryshoi qëndrimin e Top Channel zërin zyrtar të inceneratorëve dhe shërbetori i paepur i qeverisë?/CNA.al

Lajmet e fundit nga