web counter
LEXO PA REKLAMA!

SHKARKO APP

App Store
Google Play

Alda Klosi në burg pas vjedhjes nga pastruesja/ Mburret Rama: Njerëzit duhet të besojnë te unë

16 Shkurt 2023, 23:12, Aktualitet CNA
Alda Klosi në burg pas vjedhjes nga pastruesja/ Mburret Rama: Njerëzit
Kryeministri Edi Rama

Kryeministri Edi Rama është pyetur mbrëmjen e sotme për ish-zyrtaren Alda Klosi, e cila u arrestua për fshehje të pasurisë, pasi u grabit nga pastruesja Rozeta Dobi.

Rama tha se nuk ndihet mirë kur sheh raste të tilla, por përgëzoi policinë për zbardhjen e këtij rasti.

“Të falenderoj për këtë. Unë natyrisht që nuk ndihem mirë dhe nuk kam sesi të ndihem mirë për asnjë gjë të tillë, për asnjërin. Por ama nga ana tjetër kjo çështje është një tjetër arsye që njerëzit të besojnë që ajo që unë po bëj dhe që ne po bëjmë është serioze. Pse? Këtë çështje e ka hapur Policia e Shtetit. Pra ka qenë Policia e Shtetit, e cila është vënë në dijeni të kësaj çështjeje, e cila e ka bërë publike këtë çështje. Pra kemi ardhur në një kohë të re në Shqipëri, kur Policia e Shtetit, drejtori i përgjithshëm, drejtori i Tiranës, shefat e policisë e ku di unë nuk marrin urdhra dhe nuk pyesin fare, orë shiko, është kapur filanja. Kjo është ish-zyrtare”, u shpreh ai.

Gazetari Blendi Fevziu i vuri në dukje se nuk duhet të mburret për zyrtarët që vjedhin, por kreu i qeverisë deklaroi se do të vazhdojë të mburret për sa kohë që është kapur nga autoritetet.

“Unë mburrem që ç’ke me atë punë. Që i kapim dhe duhet të kapim edhe më shumë, sepse që vidhet në këtë vend kjo… dhe që nëse kanë menduar, ose ka menduar dikush që çështja e vjedhjes dhe çështja e paligjshmërisë është një çështje që zgjidhet duke ndërruar një parti me një parti tjetër dhe thjeshtë me shkopin magjik, kjo nuk ndodh. Kjo zgjidhet vetëm me luftë të përditshme dhe natyrisht duke mos bërë dallime…”, theksoi ai./ CNA.al





Lajmet e fundit nga