2-fishimi i çmimit të patentës/ Gënjen Gonxhe apo Blendi Gonxhja

16 Shkurt 2023, 21:48, Aktualitet CNA

2-fishimi i çmimit të patentës/ Gënjen Gonxhe apo Blendi

Blendi Gonxhja, Drejtori i Drejtorisë së Përgjithshme të Transportit Rrugor

Sot në media është raportuar se do të dyfishohet çmimi i patentave të kategorisë B.

Brenda muajit mars është njoftuar se çmimi mund të rritet minimumi nga 85 mijë Lekë për tu pajisur me leje drrejtimi.

Ndryshimi i çmimit vjen si rezultat i një marrëveshjeje të nënshkruar nga DPSHTRR, DPT dhe shoqata e autoshkollave.

Për ndryshimet e çmimit janë njoftuar edhe qytetarët në autoshkolla, ndërsa lidhur me marrëveshjen ka folur edhe Blendi Gonxhja, Drejtori i Drejtorisë së Përgjithshme të Transportit Rrugor.

“Kjo marrëveshje ndihmon që ne të fuqizojmë autoshkollat e ndershme, të mbrojmë autoshkollat e ndershme. Duhet të pranojmë që jo të gjithë janë të tillë. Kemi sot ende fenomenin e sekserëve të cilët bredhin lart e poshtë duke i gjetur atyre një autoshkollë sa për letra. Ka rënë vlera e autoshkollimit”, shprehet drejtori i DPSHTRR-së në videon e mëposhtme.

Por pas publikimit të këtij lajmi në media, Gonxhja ka bërë një tjetër reagim, ku ka mohuar dyfishimin e çmimit të patentave dhe e ka cilësuar si lajm të rremë.

Me anë të një statusi në rrjetet sociale, Gonxhja thotë se nuk do të rritet asnjë tarifë publike që lidhet me shërbimin dhe lëshimin e Leje Drejtimit.

“Lajm i gabuar! Lajmi është: Fund fiktivitetit në Autoshkolla! Zbatim rigoroz i programit të formimit për Leje Drejtimi! Fund lojës me Sigurinë Rrugore! Fund zhvlerësimit të profesionistëve dhe degradimit të tregut të Autoshkollave!

As rritet e as dyfishohet çmimi i patentës! Eliminohet evazioni fiskal dhe informaliteti në sektorin e Autoshkollave!

Nuk rritet asnjë tarifë publike që lidhet me shërbimin dhe lëshimin e Leje Drejtimit!

Dyfishohet çmimi i patentës/ Kur hyn në fuqi vendimi
16 Shkurt, 17:45

Goditet fenomeni i sekserëve që kapin kursantë për ti përdorur Autoshkollat si Nipte apo sa për letra, pa u kryer procesi mësimor, duke iu shmangur kurseve në teori e praktikë, në këmbim të një pagese të ulët por të parregullt! Luftohet konkurrenca e pandershme dhe paligjshmëria!

Fiton Siguria Rrugore! Rriten standardet e mësimdhënies në Autoshkolla! Merr dinjitet dhe vlerë aktiviteti dhe misioni i Autoshkollave!

DPSHTRR zbaton aktet ligjore në fuqi që përcaktojnë programin e detyrueshëm zyrtar të përgatitjes në Autoshkolla, kryerjen e plotë dhe transparent të tij!

Siguria Rrugore kërkon Autoshkollim serioz, proces kritik që nuk mund të garantohet pa kushtet logjistike, kapacitetet teknike e didaktike që përkthehen në kosto të domosdoshme! Kurset gjysmake, shkollimi i munguar, kontratat fiktive, punësimi në të zezë ose fiktiv, regjistrat fiktivë të pjesëmarrjes në orët mësimore, janë parathënia e aksidenteve dhe fataliteteve rrugore, kostove sociale e ekonomike që tejkalojnë sektorin e Autoshkollave duke cënuar tërë shoqërinë, sigurinë publike dhe aspiratat integruese!

Marrëveshja DPSHTRR, DPT, Shoqatat e Autoshkollave është investimi më i fortë për cilësi Autoshkollimi, mbrojtje konsumatori e Siguri Rrugore!”, shkruan drejtori i DPSHTRR-së.

Pra brenda një dite ka dy reagime, një ku thotë se marrëveshja e DPSHTRR me DPT-në dhe shoqatën e autoshkollave ekziston dhe një ku thotë se lajmi nuk është i vërtetë.

Por kush po i gënjen shqiptarët, Gonxhe apo Blendi Gonxhja?/ CNA.al

2-fishimi i çmimit të patentës/ Gënjen Gonxhe apo Blendi