web counter
LEXO PA REKLAMA!

SHKARKO APP

App Store
Google Play

E fundit!

x

Foto pikante - Nga mimikat e deputetëve te karikaturat për Ramën/ Çfarë nuk u pa nga Kuvendi

16 Shkurt 2023, 17:05, Aktualitet CNA

Foto pikante - Nga mimikat e deputetëve te karikaturat për Ramën/

Seanca e sotme parlamentare në Kuvend u shoqerua me debate të ashpra dhe tensione të shumta mes deputetëve.

Ndërkohë jashtë Kuvendit protestuesit e thirrur nga Partia Demokratike, kanë kërkuar rrëzimin e qeverisë së Edi Ramës.

Deputetët e Partisë Demokratike kanë bllokuar foltoren ndërkohë që deputeti Edmond Spaho ka vijuar t’i bjerë bilblit përgjatë gjithë seancës.

Nga fundi i saj, në Kuvend ka arritur dhe kryeministri Edi Rama i cili luajti rolin e figurantit.

Ndërkohë pasi kishin bllokuar foltoren, deputetët demokratë Elda Hoti, Sorina Koti, Lindita Metaliaj, Oerd Bylykbashi dhe Edmond Spaho i kanë dërguar një mesazh kryeministrit Rama.

Në fotot e LSA të mbërritura në redaksinë e CNA.al deputetët shihen teksa mbajnë në dorë karikuta të kryeministrit Edi Rama dhe kreut të grupit parlamentar Taulant Ballës, ku Rama shfaqet sipër një avioni duke fluturuar dhe Balla mbahet në të.

Në karikutarën tjetër, kryeministri është i veshur me një kostum me gjethe hashashi teksa mban në dorë një dosje me logon e Rilindjes.  

Nga ana tjetër deputetja Sorina Koto mban në dorë një pankart ku shkruhet: “Edi me dash’ shkon dot në Shtëpinë e Bardhë?

28 deputetë të Partisë Demokratike kërkuan shkarkimin e kryetares së Kuvendit, Lindita Nikolla, kërkesë e cila u rrëzua me 78 vota kundër, 3 pro dhe asnjë abstenim. 

Seanca përfundoi me miratimin e projektligjeve të parashikuara në të cilën opozita nuk mori pjesë, por ishte mazhoranca e cila i miratoi ato e vetme./ CNA.al





Lajmet e fundit nga