LEXO PA REKLAMA!

SHKARKO APP

Shitja e "Top Channel"/ Berisha: Ky është një veprim i tmerrshëm mafioz i Edi Ramës dhe klanit të tij

24 Mars 2023, 12:25, Aktualitet CNA
Shitja e "Top Channel"/ Berisha: Ky është një veprim i
Kreu i PD-së, Sali Berisha

Kreu i PD-së, Sali Berisha, ka reaguar pas lajmit të publikuar nga CNA, media, e cila ka bërë me dije se televizioni "Top Channel" është shitur.

Berisha e ka quajtur këtë një akt të pashembullt, ndërsa i është drejtuar Vjollca Hoxhës, duke thënë se ka kryer një krim të shëmtuar.

Ndër të tjera, Berisha tha se "Top Channel" është gropa e zezë e djegësve. 

Publikime të besueshme me dokumente autentike, faktojnë se televizioni kombëtar 'Top Channel', në një aksion, në një veprim tërësisht obskur, tërësisht jotransparent, në shkelje flagrante të ligjeve të vendit, rezulton se në prag të fushatës, i është shitur një shtetasi, i quajtur Uestern Media, në Belizë, me çmimin 9 milionë dollarë.

Ky është një veprim i pashembullt, asgjësimi i një televizioni kombëtar, me licencë kombëtare, tjetërsimi i tij në kundërshtim me çdo rregull, shitja false si kunata e Olta Xhaçkës, që ishte pronare e resortit strategjik të burrit të saj, përbën një veprim të tmerrshëm mafioz, personalisht të Edi Ramës dhe klanit të tij.

Një televizion kombëtar ka marrë një valë dhe frekuencë kombëtare. Këto janë pasuri publike. Ato nuk privatizohen. Asnjë televizion nuk mund të përfundojë në Belizë të Edi Ramës, Erion Veliajt, të këtyre mafiozëve që nuk kanë ligj, moral dhe asgjë tjetër.

Muaj më parë, televizioni 'Top Channel' filloi një linjë editoriale të pavarur, linjë editoriale, e cila e bëri atë objekt sulmesh të egra të Edi Ramës.

Por duket se skema e Tikut të partisë është një skemë universale. Ato editoriale ishin si një gjobëvënie ndaj qeverisë, na bli me 9 milionë ose do kesh këto pasoja.

Kjo është një nga ditët më të zeza në historinë e medieve shqiptare.

Unë i them zonjës Hoxha se me këtë akt, ke kryer një krim të shëmtuar ndaj publikut shqiptar. Ti nuk mund ta përdorësh si një mjet personal një valë kombëtare, një frekuencë kombëtare.

Ke kryer një akt që çdo ligj të bën përgjegjës, sigurisht së bashku me Edi Ramën dhe Erion Veliajn.

E denoncoj me forcën më të madhe këtë akt. SKAP-i është i kapur, sepse prej kohësh duhej të kishte nisur hetimet.

SKAP-i është po kaq i kapur, në mos më shumë se këta që kryejnë këto akte”, tha Berisha./ CNA.al

Lajmet e fundit nga