web counter
LEXO PA REKLAMA!

SHKARKO APP

App Store
Google Play

E fundit!

x

Vrasja në burgun e Peqinit/ Prokuroria akuzë për Indrit Shaqjan, dyshohet se bashkëpunoi me Mjacajn

20 Dhjetor 2023, 09:59, Aktualitet CNA
Vrasja në burgun e Peqinit/ Prokuroria akuzë për Indrit Shaqjan,
Indrit Shaqja dhe Sokol Mjacaj

Prokuroria e Elbasanit ka ngritur akuzë për të dënuarin përjetë, Indrit Shaqja, pas ngjarjes së ndodhur në burgun e Peqinit, ku u vra me armë zjarri Arben Lleshi. 

Raportohet në media se organi i akuzës ka dyshime se edhe Indrit Shaqja, i cili mbeti plagosur, ka bashkëpunuar me Sokol Mjacaj për vrasjen e Arben Lleshit.

Prokuroria i drejtuar gjykatës me kërkesën e masës së sigurisë "arrest në burg" për të dënuarin përjetë Indrit Shaqja.

Ndërkohë në qelinë e tij, gjatë kontrolleve është gjetur një telefon celular që i përket të dënuarit Indrit Shaqja.

Një ditë më parë, Gjykata e Elbasanit vendosi masën e sigurisë “arrest me burg” për autorin e ngjarjes Sokol Mjacajn dhe 11 zyrtarë të burgut të Peqinit.

Ndërsa një prej efektivëve të ndaluar është lënë në masën e sigurisë “detyrim paraqitje”.

Bëhet fjalë për efektivin Vilson Shima, shefi i regjimit në burg, të cilin gjykata e ka liruar nga burgu me arsyetimin se ka një fëmijë të paralizuar.

Seanca e djeshme gjyqësore zgjati për rreth 6 orë.

Mes zyrtarëve të akuzuar për “shpërdorim detyre” që mbeten në burg është dhe drejtori i burgut të Peqinit, Kamber Hoxha./CNA

 





Lajmet e fundit nga