web counter
LEXO PA REKLAMA!

SHKARKO APP

App Store
Google Play

E fundit!

x

Pse SPAK-u duhet të rihapë hetimet ndaj Mirel Mërtirit për inceneratorët e Fierit dhe Elbasanit?

20 Dhjetor 2023, 12:23, Editorial REDAKSIONALE
Pse SPAK-u duhet të rihapë hetimet ndaj Mirel Mërtirit për
Mirel Mërtiri, "truri" i aferës së inceneratorëve

Në një dalje mediatike Mirel Mërtiri, në televizionin "Syri TV", në prani të gazetarit Çim Peka, tha disa fakte dhe prova të reja që e detyrojnë SPAK-un të hapë pista të reja hetimi dhe të risjellë në vëmendje inceneratorët e Elbasanit dhe të Fierit, investimet e kryera me kontrata, të cilat pretendojnë se janë PPP, por në fakt janë investime të shtrira në kohë.

Mirel Mërtiri deklaroi se kishte humbur para në Elbasan, pasi kishte investuar 3 milionë euro më shumë, megjithëse thoshte se ishte thjesht një drejtor projektesh dhe një përfaqësues i kompanisë në Holandë.

SPAK tashmë e ka të qartë, Mirel Mërtiri kishte investuar 3 milionë euro më shumë në Elbasan, kur në fakt është thjesht një drejtor projektesh.

A mund të jetë një drejtor projektesh investitor?

Nga ana tjetër, Mirel Mërtiri asnjëherë nuk e kishte pranuar publikisht se ai kishte lidhje me inceneratorin e Fierit dhe investimin e papërfunduar atje.

Pse SPAK-u duhet të rihapë hetimet ndaj Mirel Mërtirit për
Inceneratori i Fierit

Me një shkresë zyrtare, kompania "ITS" ka njoftuar qeverinë shqiptare se investimi është përfunduar, por në fakt, sipas të dhënave, rezulton se atje duhet ende një shumë prej 3-4 milionë eurosh për t’u kryer si investim.

Mirel Mërtiri e pranoi publikisht se kishte lidhje me inceneratorin e Fierit dhe kishte dijeni. Ai tashmë duhet rihetuar për lidhjen e tij me inceneratorin e Fierit.

Duke qenë në Elbasan, në Fier dhe në Tiranë, Mirel Mërtiri tashmë është qartazi kreu i grupit të strukturuar kriminal të inceneratorëve. Këtë SPAK-u e ka të provuar, pasi Mirel Mërtiri vetë e pranoi publikisht në një studio "live" duke thënë se kompania e Elbasanit ishte e familjes së tij dhe ishin investuar më shumë para, kishte dijeni për inceneratorin e Fierit dhe gjithashtu ai përfaqësonte Tiranën, por ishte thjesht një drejtor dhe nuk i dinte pagesat që ishin bërë.

Edhe për Tiranën ai përdori disa shifra, të cilat në fakt, duke thënë 50 milionë euro njëra apo 60 milionë euro herën tjetër, harroi të thoshte se nuk ishin investime këto para, por ishin para të qarkulluara gjithsej.

Pse SPAK-u duhet të rihapë hetimet ndaj Mirel Mërtirit për
Inceneratori i Tiranës

Ndërsa, sipas biznesplanit dhe kontratës së firmosur me qeverinë shqiptare, zoti Mirel Mërtiri dhe kompania koncesionare duhet të kishin investuar pas 6 vitesh 128 milionë euro, apo pas 3 vitesh siç pretendon ai mbi 100 milionë euro dhe të paktën një linjë inceneratori duhet të ishte në funksion.

Mirel Mërtiri e tha me gojën e tij se çfarë ka ndodhur vërtet, se kush është personi kryesor, pasi pranoi që kishte dijeni për gjithçka, edhe pse u përpoq të fshihej dhe të justifikonte qëllimin e daljes së tij.

Pra, të thoshte atë që thonë gjobaxhinjtë e tij mediatikë publikisht, hallin e prokurorit, hallin e një ministreje të Ramës apo se ai nuk ishte pronari megjithëse kishte dijeni për shumat e parave, çfarë kishte qarkulluar, si ishte investuar, etj.

Mirel Mërtiri i dha SPAK-ut mundësinë të hapë dy akuza të reja, të rihetojë Elbasanin dhe Fierin dhe të dalë përfundimisht e vërteta se ai ka qenë koka e një grupi të strukturuar kriminal që sot në fakt ka katandisur si aksioner me 20% dhe përfaqësuesi i kompanisë në Holandë, e cila vazhdon aktivitetin, jo se është sekuestruar në Shqipëri, por në Zimbabve./ CNA





14:47 Editorial REDAKSIONALE

Autori i fotos

Gënjeshtari publik, Aldor Nini, tentoi të shfrytëzonte...

Lajmet e fundit nga