E fundit!

22:46 Aktualitet

Pas ndeshjes, protestuesit zhvendosen te selia e PD-së: Opozitë e shitur

Pas ndeshjes, protestuesit janë zhvendosur para selisë së ...

Salianjizimi që i duhet opozitës

28 Nëntor 2023, 21:04, Editorial REDAKSIONALE

Një dekadë në opozitë! Ujëra të turbullta për Partinë Demokratike dhe opozitën dhe simboli i saj vazhdon të jetë Salianjizimi.

Jo ky si individ, pasi si individ është një palaço dhe një sharlatan politik, është një klloun i pavlerë, i fryrë nga universitetet e Henri Çilit dhe servilizmat e Lulzim Bashës. Njeriu i cili mori hurin dhe dhunoi demokratët, i mbyti me gaz lotsjellës, njeriu që vetëm ka humbur.

Tradhtoi Lulzim Bashën, tradhtoi dhe Sali Berishën, më pas u bë prap me Lulzim Bashën, doli prap me Sali Berishën dhe ky duhet trajtuar si fenomen, Salianjizimi.

Babalja ndërron “lëkurën”/ Quan Bashën dhunues dhe langaraq të Ramës
7 Qershor, 12:22

Prandaj dhe PD-ja mund të rrijë jo gjatë, por shumë gjatë në opozitë. Sado që Berisha të përpiqet me kauza ta ngrejë, Salianjizimi i saj është thjesht dhe vetëm dalja e individëve në media duke u sjellë si kllounë politikë dhe duke bërë asgjë, përkundrazi, duke i dhënë më shumë pasoja.

Salianji është një nga skenaristët e dosjes Babale, dosje e cila në rast se flasim për drejtësi të kapur dhe të kontrolluar ka ngelur peng në Apel dhe askush nuk flet për të.

“Babalja” i dënuar për shpifje, në prag të burgut / Seanca në Apel kthehet në telenovelë
19 Dhjetor, 09:46

Salianjizimi i opozitës nuk ka të bëjë vetëm me hurin, ai është një aspekt, ku një deputet i Partisë Demokratike mori hurin në dorë dhe iu vërsul anëtarëve të partisë së tij për të mbrojtur një kryetar të korruptuar, të shitur në Pazar me Edi Ramën, siç e thotë dhe Sali Berisha.

Ky kryetari nga pas kishte Salianjët. Tani doktori dhe të tjerët mendojnë se më i rëndësishëm është bashkimi i opozitës në një federatë apo në një grup ku vendin e tyre të kenë edhe Salianjët.

Po, patjetër! Por këta janë ata Salianjët që i kanë dhënë koston opozitës këto 10 vjet që të rrijë atje ku është, të shkojë te cepi. I kanë dhënë humbjet. Nuk kanë mundur do të marrin dot një votë më shumë sesa viti 2013 kur PD-ja doli në opozitë.

Kanë 10 vjet, kanë nga 2 apo 3 mandate deputetësh që marrin rrogat nga taksapaguesit, marrin rrogat nga votat e demokratëve dhe çfarë i ka dhënë PD-së Salianjizimi i saj?

Disa dalje mediatike kur duket se është i fortë dhe paralel me to video erotike në detyrën si deputet në Parlament e dosje Babale? Hu ndaj anëtarëve të PD-së? Sharje? Fyerje? Imazhin e tarzanizimit?

Ekskluzive-Video e deputetit në bisedën perverse/Shk......, pleh.., q..
12 Shkurt, 16:14

A thua se politika është një xhungël e personazheve që duke dalë në asfaltin e opozitës dhe hapësirës së saj mediatike kanë harruar baltën që kanë mbi supe, që iu ndot edhe fytyrën e mbushur plot me botoks apo të kuruar pas këshillave që vijnë nga ethet e grigjëzuara, që shkojnë paralel me Salianjizimin e opozitës, që e ka çuar këtë të fundit aty ku thërret qameti.

Botoksi "pushton" Salianjin/ Konkurron Gridën në bukuri
6 Nëntor, 13:53

Dhe kjo nuk është pak, fenomeni vazhdon dhe pasojat do t’i ketë të shumta.

Megjithëse qeveria ka një mijë e një skandale, afera e çështje pafund, shqiptarët nuk e mbështesin, jo se jua vjedh vetëm Rama, por sepse Salianjizimi i saj është një ogur i keq, sepse shqiptarët nuk mund t’i tallë kush dhe t’i dërgojë drejt grigjëzimit të tyre, pasi prostitucioni politik i hunjve dhe pazareve sa me Bashën, Berishën apo dhe Qeverinë, nuk është shpresë dhe e ardhme, por dështim, një katastrofë dhe një rrugë e pashpresë./ CNA