LEXO PA REKLAMA!

SHKARKO APP

"Vetëvrasja" e kryeministrit me mediat

15 Nëntor 2023, 14:45, Editorial CNA
"Vetëvrasja" e kryeministrit me mediat
Edi Rama

Kryeministri Edi Rama dje ishte i pranishëm në Forumin e Medias për Europën Juglindore. Midis shumë qëndrimeve që mbajti zoti kryeministër theksoi se ndaj tij ishte shpifur, ndaj kishte pasur të pavërteta dhe akuza, që i kishin bërë lëkurën si betoni i një bukeri anti-bërthamor.

Në fakt kryeministri ynë, i cili është edhe gazetar, ka qejf të bëjë edhe rolin influencerit, apo të luajë me podcast-e, kërkon që të ketë mediat si një gazetari turistike, showbizi, lajme të lumtura dhe të tjera si këto, por harron se Shqipëria nuk mund të bëhet e lumtur me 400 mijë lekë rrogë dhe harron se në një dekadë është përgjegjës për zhvillimin e një vendi.

Përtej këtyre kryeministri duhet të bëjë ligjin (jo pë interes të kontrrollit te tij) ose ti detyrojë institucionet në varësi të tij ta zbatojnë atrëhapësirë ligjore që është.

Mund të ketë rritje turizmi dhe mund të dojë një gazetari kulturore, por përballë saj ka korrupsionin, PPP-të, aferat e qeverisë, ministrat nën hetim nga SPAK-u, Sekretarët e Përgjithshëm, kryetarët e bashkive, drejtorët e korruptuar, xhambazë dhe banditë, deputetë të inkriminuar, kryebashkiakë të inkriminuar. Në rast se do të mungonin këta mund të kishim një Shqipëri tjetër, por nuk e kemi atë. Për këta hajdutër se ka faji media.

Kryeministri nga ana tjetër bëri një vetëvrasje, pasi tha se e kishin akuzuar shumë fort, ata të cilët e kanë akuzuar kryeministrin apo kanë drejtuar mediat në kohën e opozitës së parë të Berishës, apo opozitës së gjatë në kohën e Fatos Nanos, apo kur Rama është bërë kryeministër, apo kur PD ishte në pushtet, tashmë janë të gjithë në sqetullën e kryeministrit tonë të nderuar, zotit Rama.

"Vetëvrasja" e kryeministrit me mediat
Fatos Nano dhe Edi Rama

Nuk po flasim këtu për mediat e Rilindjes që cicërojnë si zogj në krah të kryeministrit, as për "Top Channel", as për Carlo Bollinon, as për "News 24" apo "Ora News" që kanë filluar t’i mbajë ison qeverisë. Nuk po flasim për ato 4-5 portale që janë mbajnë linjën opozitare edhe pse sjanë me opozitën, por për shumicën e mediave që në fakt raportojnë kronikë, skandale, edhe pse janë të qeverisë dhe pro saj, sepse janë aq të mëdha sa nuk i shmangin dot. Ka kaq shumë çështje që trajtohen në SPAK, sa kryeministri nuk i mohon dot. Media sdo i bëjë sehir, sa për sharrësit janë gjobaxhinjtë dhe të paguarit nga Rilindja. Opozitarët skanë pushtet, shantazhet dhe gjobat i bën pushteti.

Ajo vetëvrasja e djeshme, duke theksuar për akuzat e rënda që i kishin bërë, që në fakt ishin kriminale dhe kanë qenë të tilla, Edi Rama duhet të padisë dhe ndëshkojë gazetarët e oborrit të tij, sepse nga Saliu janë në shtratin e kryeministrit tonë.

Pa lënë mënjanë edhe anonimet e përdorura nga Rilindja që paguhen nga para të inkriminuara, nga para korrupsioni, nga vjedhjet, nga abuzimet e pushtetit e deri te luksi i shfrenuar i zyrtarëve që "Skënderbeun tonë" e duan kaq shumë saqë i vënë në dispozicion gjithçka. Këtu nuk është vetë rasti për Elisën, ajo është një pikë uji në oqeanin mediatik të kryeministrit, i cili e kontrollon me shumicë dhe nuk e do si një pikturë të bukur të Shqipërisë.

"Vetëvrasja" e kryeministrit me mediat
Edi Rama dhe Elsa Spiropali

Në fakt Shqipëria nuk e ka një pamje të tillë, e ka me diell, e ka gri, e kam me shi, e ka me stuhi, e ka me kazanë, e ka me gjobaxhinj, ashtu siç ka thënë kryeministri Rama, kur erdhi në pushtet derisa i futi në kontroll shumicën e mediave. Tashmë ata që e kanëakuzuar, fyer e poshtëruar, i mban nën sqetullën e tij të djersitur nga era e rëndë e korrupsionit të PPP-ve apo skandaleve. I mban për iso, pikërisht ata të cilët i kanë hedhur ato akuza, këto akuza të rënda që kryeministri përmendi.

Tashmë disa prej tyre, janë miliarderët e medias në krah të kryeministrit Rama.

Veç atyre ka edhe të tjerë, por janë si nivel i Elisës në qeveri, janë shumë shkallë më poshtë po ta krahasojmë këtë të fundit me Edi Ramën.

Janë të vegjël, janë gjobaxhinj, janë inaçinj, janë me para krimi, korrupsioni. Janë të vegjël në detyrë në krahasim me miliarderët e kryeministrit, ashtu siç është Elisa në qeverinë Rama.

Të gjithë këta janë tallavaja e kryeministrit Rama, qënuk i sheh e nuk i dëgjon, vetëm i shijon kur i mbajnë iso./CNA 

 

09:35 Editorial Diana Ziu

Një letër pa moral!

Një çorbë televizive! Një lakuriqësi, banalitet, me shumi...

Lajmet e fundit nga